 |
 |
 |
 |
 |
 |
 |
 |
 |
 |
 |
|
language
poecia2poecia3poecia4poecia6poecia7poecia8poecia9poecia10poecia11poecia12poecia13poecia14poecia15poecia16poecia17poecia18poecia19poecia20poecia21poecia22poecia23poecia24poecia25poecia26poecia27poecia28poecia29poecia30poecia31poecia32poecia33poecia34poecia35poecia36poecia37poecia38poecia39poecia40poecia41poecia42poecia43poecia44poecia5poecia45poecia46poecia47poecia48poecia49poecia50poecia51poecia52poecia53poecia54poecia55poecia56poecia57poecia58poecia59poecia60poecia61poecia62poecia63poecia64poecia65poecia66poecia67poecia68poecia69poecia70poecia71poecia72poecia73poecia74poecia75|
|
| LIBRARY OF KAPAMPANGAN POETRY, page 26 |
 |
| anthologized by Ernie C. Turla, curator |
| ||||||
| Table of Contnts: 1. Karing Kayanakan Ning Balen Ku - Renato B. Alzadon 2. Anak Ning Kapampangan - RDM 3. Mar Franco - Renato B. Alzadon 4. Renato Alzadon: Ing Poeta - Paing 5. Kang Mang Paeng - RBA 6. Suging Poetang Kapampangan - Arnold D. Batul 7. I Love You - RBA 8. Lua Ning Pusu - RBA 9. King Kebaytan Keng Kapampangan - Zoilo Hilario (1959) 10. Tigtig Ka Kudyapi - RBA 11. Mekeni, O Mutya - RBA 12. Ortelanu - RBA Karing Kayanakan Ning Balen Ku Neng: Renato B. Alzadon Mal kung kayanakan, matna ka. Masdan me ing kekang bandila, layun mong sulyapan, king aldo nang maslag ding walu nang yata; walung lalawigan, matning ginulisak migdulap king laya na ning indung tibuan, bayang mangapatlud pangatanikala. O' ing Kapampangan, metung ya karetang maningning a sala uling ing kalayan, karing kapampangan matimbang yang bina. Luid ka kayanakan, ika ing migmana king guintung kalayan--- yang kalayan a yan inablian deng daya ding bayani tang nuan! Bilang kayablasan, ing mininining nang yatang kapampangan; ali me pabustan ing mangulimlim ya maslag nang dangalan; ban king kapilan man ing yata nang guintu e ya mipampanan; e mu kakalinguan ing kapampangan ka king diwa at laman. Bilang kapampangan, atin kang amanung binie nang Bathala. Bilang kapampangan, dapat meng luguran ing kekang salita. Bilang kapampangan, ing kekang amanu sukat meng pamingua. Bilang Kapampangan, tungkul mung sumaup bayang misaplala. Bilang kapampangan, ipagmaragul mu babo ning masala. Bilang kapampangan, yata ka king aldo ning mal mung bandila. Inia, kayanakan E mu ipaintulut kulimlim ya kule, Pangakapampangan, a karing uyat mu dayang mangulate; ing kekang kalayan yapse ning dila mu ing buri nang yapse e me susuku yan maski kenu paman kabang atin kang bie; Nung isuku me yan, at ing amanu mu banke yang mipase, ing kekang dangalan, bilang kapampangan, kayagnan neng mete! " ANAK NING KAPAMPANGAN " neng RDM Makananu kung sambitlan anak na ning Kapampangan? Mitakid ku at misubsub king burak na ning dewakan! Makananu kung sabyan ibat ku king keang atyan? 'Paglibe ke ing amanu salitang kakung beytan. Tatangis ya ing pusu ku kening saynsing ku gagalgal... Misalwak ku king masala at masikan a mimiral! Ating aliwang salita a susukub manaligwat! Lasun waring mikakalat at magdusa king pagsalbat. Anak na ning Kapampangan! O Ibpa na ning amanu! Papiglo kung gugulisak makalili kung anak mu! Iyabut me'ng kekang gamat 'tikdo mu ku king aun ku, O Crissot na ning Bakulod, suglungan meng inawa ku. Mipnung payit anting apdu ining papaynum ku keka. Dudugisan da ka Balen, anak mu kung mebiktima! Misamutanan yang lasun ing salitang kakung mana; Linisan meng kakung daya, pasibayung pagtumayla. Dadalumdum mayayakit, mipapan king banwa'ing biga. Ding anak ning Kapampngan salita ra manaliwa; Dapot sumangid na niti ating pa mu ring pagasa, Ating aldo a sisilip king aslagan 'ting mamingwa! Mangapildis ing penandit pauli ding manungkulan? At miyayaliwang sektor, ning mabuluk a sosyudad? Mabubura ya't matatda, lugud king amanung siswan! At nanu ing mangibabo? Pansariling ka-imbutan? Oren ngeni ring supling mo manamun lang mangatapang! Mangalto la balang suluk king mabilug a ketawan. Di poeta't mamulosa, dambuwalang Kapampangan! Matikdi lang talasagip king amanu tamung siswan. Pulisan mu ne ing lwa mu king aske mung misnang lumbe... O Indu kung Kapampangan king pisni mu sasagese. Bustan mung aplusan mi isundu mi at masese. Ding tuntuna' nang Crissot karin kami payantabe. E dana ka payngulatan e dana ka palungkutan... Makatagan ming inawa para keka, keka na ngan; E mu ke sana sasakwil a anak mung mituringan. Lugud mi king amanu mu ing amanung Kapampangan! Mar Franco neng: Renato B. Alzadon Masdan mu Indu ku, malale lang lalto ding usbung mung Watas lalam na ning aldo, Oyan, kaulan me ing kekang Mar Franco king parang ning rima matapang tinikdo. Oren ding tatalad king panaun ngeni ding maki-tepangan tikdo at maniabi; at e la tatakut--- nanu man malyari, paglualu reng tapat ing sisuan dang sabi. Kening Poesia na meyakit, metangal ing king amanu na, tapat nang masabal, mumuna ne pamung king parang masangal bayu ing amanu masintang ya dangal. Pilan la pa kaya ding maki tepangan talakad maglualu king amanung sisuan? E ka binang mainip indung kapampangan dakal la pang lunto--- agyang emo ausan. E mu na kailangan manunggue pang lagyu datang lang manampang king karelang agyu; pablasang balu rang king ubud dang pusu king dapat dang ibie ing karelang suyu. Inya O' indu ku dapat kang tumula ampatan mu sana mababalag mung lua; darakal la indu ding keka mamingua ban mikalabyus ka king maplas mung kalma. Ing salu mu indu, nung metung yang aklat ing lagyung Mar Franco, dapat yang misulat, karapatdapat mung abalu ra ding lat, talapamingua me----sundalus meng tapat. " RENATO ALZADON ing POETA" neng Paing 'Bat kabyasnan yung sumulat king amanung Kapampangan? Kabyasnan yung mangamano salita yu maleparan. Kabas nako nitang dagat king lawta e a-aktangan; Bunduk ko wari king katas a kanakung tatalangan! Neng aku yang makabasa karing poesya yung linto. Anti ra ku mong duruyan king ardin na ning parnaso; Ing diwa ku miyayo ngan king ligaya kening pusu. Ing amanung Kapampangan lilikas yeng anting gintu. Nung king kapalsintan naman neng kekayung isaglawe. Ninu mo yang I Romeo kang Julieta ya manaske! Ing karelang kamatayan, babaing malsintang bangke, Kabud ikong damdaman na tikdo ya keko lumele. Pamanyulat a nobela nung karin ing pisasabyan. Keta pamu king umpisa ni e kune atuknangan; Lalu ke pang apilasa, banda ketang kalibudtan. Keta namang bandang tawli, tutuki ne ing isipan. Dakal nong linto poeta, susulat at mamikudta. Dakal nong mibayit murin Kapampangan manyalita; Nung pititimbangan kula kening bakal kung baskula, Babayuk ya king banda yu ing timbang na mabayat ya. Eko balung pangalapan ding amanung ipuri ku. Karing kekayung kayapan king panyulat a babye yu; Eko balu ding matilo kabaldugan a amanu, Ing balu ku mung sabyan 'bat biasa kong emu nanu! Ing masampat pamong dili, mepili kong Kapampangan. At yang midikil kekayu, mirikil at miyampang; Kambe ning sinta yung dili kaniting amanung siswan, Ninung e gulisak at sumyo ikeng anggang Kapampangan! Salamat pu king pisulung pinandit... RDM Kang Mang Paeng Neng RBA Kaluguran kung Kang Paeng, dakal a salamat kaka kening makapangilabut a sinulat mung pikudta; balang diklut mung amanu kakablas lang anting sala na niang aldo bayung bait king sisinagan nang sapa. Makananung e la kablas ngening ding yata nang guintu manatsit la king dalumdum ning kapalaran nang bigu ning amanung kapampangan a kikiak at manigapu king karamput a lugud da ding anak nang bakal pusu. Masdan me ing Indu tamung king pagsalbat makarate malamlam no ding mata nang maibug nang magpiak at mate; dapot pamarugan depa karing barug dang maglate dening kriminal a pusu a king Indu makamate! Nung ing Indung makalangan mistula neng mipaburen e na bala, kunan taya, ingatan taya at sesen; dapot ing e na ayamyam ning panamdam makabalen king ing liguran tang indu yang sasaryan dang papaten. Ninu ya man ing penganak, nung makanian ing akit na e malyaring e talakad ban maglualu kang indu na; arapan nong alang gulat ding manampalasan keya e no malyaring tulutan king patluran de inawa. Kaduagan da ding kaduagan karing balang kapampangan nung pabustan deng mapda bie ing indung amanung sisuan; e bala sa nung mate ya king tikda ning kapalaran dapot ing kusa deng paten...? E ta dapat amyaman yan! Inia kabang ding kudyapi maki litid lang tatabling dapat mu king tigtigan la ban maramdam ing saingsing ning indu tang makasubsub a papiglo at daraing saka depa pamarugan ding maki-pusung matuling! Inia dakal a salamat kapatad keng pakibat mu at king kekang malasakit king sugatan tang amanu; E re mu sana papaten---pasese de kekatamu--- ing indu tang kapampangan sikan ya pang pasibayu. Suging Poeta a Kapampangan: Renato B. Alzadon Neng: Arnold D. Batul Dayang maralikat, linual busbus balat Pawas ning Poeta, Renato’yng lagyu na. Silbag ne ing lugud, siniklod la ring tud Kapampangan ya pin! dakal lang memansin. Intelyenting Tau, Kapampangan pinu Lin’tad nang kagiwan, lapis yay’ng tatalnan Malutung alpombra, patuklu mi keka At isampa raka, putungan kurona. Metung kang dalungdung, keka sasalilung King paling kaugtuan, o patak ning uran Kareng kawatasan, kekami inampang Tibabal mu kami, dimla na ning bengi. Mayumu mung pusu, kakablas marayu Maryland ibatan, Kapampangan tibuan Amanu yang Sisuan, delakit ketauan Akademyang p’suluan, karin la agtalan. Kalulung pusu da, pematulan mu la King aldo man obra, o oras paynawa Obra maestru na, alang kasing para Metung lang kandungan, ning tula’t ligaya. Poetang Renato, Laureado ka kako! Mipnung tula’yng bilus, karing pusu tiglus Ikua rang melapnus, keng pali mung aplus Keng kekang yayaus, Salita ikabyus! A Teenager Valentine Poem. RBA I Love You neng RBA Kanita pa Sweetie, buri ku nang sabian I love you, Sugar Babe, you are the only one. When I wanna say it, e ku aintindian I have to go, my dear---kukurug ku atyan. Yeah, when I wanna say, those three words "I love You" Ala Kobe Bryant dribol ning pusu ku; Ing kayang tsug-tsug tsug king pakiramdam ku masikan pa kesa ketang tren king Tramu. Misan sibukan ku ing mininum Whisky ing " I love you, Baby, king bakeng asabi; dapot mebulul ya ing dila kung torpi mesira ya kumpas ing kakung diskarti. King misan a aldo telan ke'yng guitara baku sang paramdam ing "Feelings" ku keka; Bosis nang Matt Monroe apusan ke sana ing linual king asbuk, bosis neng Madonna. Misan king baskeball pasikatan daka dinurut ku babo mig-lay up keng bola; ing aerobic style e ke agyu pala misalsal ku buldit at keilian mu ku pa. Inya , dakal na rin ing dusang kimtan ku I just cannot give up, I don't know what to do; E ku mipaindatun mididipress naku Night and day, all the time, I am thinking of you. King kaiisip ku oining aisip ku I'll write you a poem, a poem just for you. So, listen to me now... damdam ka irug ku I love you my Baby, my darling, I Love you. Finally, finally, I was able to say! Free at last! Free at last from headache and dismay; Just one thing, may I ask, Baby, if it's O.K please, be My Valentine on this Valentine Day. Hagerstown Hall, University of Maryland, July 25, 1977 Lua Ning Pusu Neng: Renato B. Alzadon Batis na ning tula durungdungan ke mu! Wili at tumaila abut abutan mu. Bisa ku man saklu, agya sang ditak mu! Dapot..., ala na pin lugalan king pusu! Pablasang ing pusung king dusa kinatmu, karaklut mang tula, ala neng apagyu. Lalon kong maratna malagung sampaga. Banglu rang tatakas, ala nang ulaga! Paldas ing kule na kanaku ning banua, plegarias kanaku ing anggang musika. Pablasang ing pusung sadyang maligaya sinugat neng mortal ning kalmang saliwa. Ah! E ku na sana buring aganaka ing aldo miralan a misna kasaya! Uling ing sugat ning pusung mepiraya maulit ne naman, mangaplas, dumaya, at potang maglapo ya ing tutulung lua ning paginakit ku king sawil a kalma! Ali...! E ku dapat mika paginakit king gulis ning palad numan anti pait; uling king uli na karin ya mibait ing kapaligaran...makule penandit; dapot nanung sankan, bakit kaya, bakit...? neng ume kung maili..., damdaman ku'yng sakit. Ing kaligayan na ning kapaligiran e ya bisang tanggap ing kapanamdman; uling balang tulang kanakung tanggapan babayaran nang lua ning pusung sugatan; O' sinta! O' sinta! Nung nukarin ka man salunan kung pusu, bakit e me ulwan? Kening sablang iti ikang pepasari, ikang minie sugat kening pusung sawi; ing tulang binie mu ditak yang saguli, O'bat libung dusa ing kakung panabli? Sinta nuka karin...? Lon mu'yng kakung bili, gagale ning kakung gagalgal a labi! Bustan mung ing napun miwaglit ne pamu ya ring ati na ku keni king marayu; ban ing bayung yatu akit keng malagu, bustan mung ilapat ke king kakung salu; at panigapu kung itulut mung mamu bustan meng mapulis ing lua na ning pusu. King Kebaytan Kung Kapampangan neng Don Zoilo Hilario, Oktubri, 1959 Kapampangan, mipanirug a nimpa king bebe ilug, yang tagimpan kung mabilug ing akit daka sang lukluk king sidwan a mataluktuk. Gabun a mayabu't pale, poesia keka magsale. Karinan naka ning gale, sinta, sunis, pamibule, paninap, lambis at kule! Tepangan mu mitatak king Bandila tang mapapansing. Kapampangan, metung ka pin karing walung gintung ningning nyang aldo nang e kulimlim. Nung king Laguna parangal ya i Dr. Jose Rizal, keka Kapampangan kung mal, Jose Abad Santos mung lyag ya namang lakwas patindag! Lalam na ning banwang matas gagale raka ring watas, ban ing lagu mu mabatas, kasingbanglu kang kalantas, tibwan kang lakan at pantas. Lalawigan ning panirug, balen a keka bibilug batwin lang makasampulung paytas at e mumurung king banwa na ning Panyulung. Deng balen mung mangatimyas adwa lang pulu't adwang yas a palusuk kanyang linang uling map la panga-inang king korona mung makinang. Ya sanang pane mag-ari ing maulang pinanari ning kapayapan a sari king gabun mung makawili Lalawigan kung mal dili. Supling ning Reyna Malaya, karulugan ning ligaya, bante mu ya ing Alaya, ding dambanamu pusu la, sinta mu yang aldo maula. Lwid ka, Indung Kapampangan, sale ning sinta't tepangan! Yapse kung alang ambangan: Karinan a kabalitan, Pagmaragul dakang beytan! Tigtig Ka Kudyapi Neng: Renato B. Alzadon February 2006 Tigtig ka kudyapi...! E ka magpainawa kabang ing Indung Mal atin yang inawa...! Ngeni nung mete ne.......kanita man pala tigtig ka pa murin.....dalit kang alala! Tigtig ka kudypi...! E ka pa tutuknang kabang ding darakit e la pa dinatang...! Ngeni nung datang la....e me pupututan ing idaralit mung maplas a sambitan! Tigtig ka kudyapi...! E ka pa patugut kabang ing Indung Mal e ya pa mikutkut...! Ngeni nung kuldas ne....ding makipatnugut paramdaman mu lang plegaryang malungkut! Tigtig ka kudyapi! E ka pa magsimpan kabang ing Indung Mal e ya pa mipampan...! Ngeni nung takpan de......agyang takpan de man dalit ka pa mu rin paldas a kundiman! Tigtig ka kudyapi! E ka magpaindatun kabang ing Indung Mal atyu lalam gabun...! Anggang e subling mie....magbangun king aun tigtig ka kudyapi....! Kaba ning panaun......... MEKENI, O MUTYA by Renato Alzadon Mekeni O' mutya, magpatagusgus ka king sala ning bulan; dinan meng upaya ing kekang makudtang manintun timbulan...! Bustan mung king daya igulis ning pluma king papil a sutla, ing kutud nang laya ning amanung sisuan, king dusa mesila...! Kabud kayari na ning pikudtang dalit, kaku yang pangisyan, uling ding anak na a migtaksil keya, e re man basan yan...! Kaibat ing gawan ta, king dila ning api karin te patawan; ban king asuk munta ing maplas nang daing ning amanung siswan...! Ding anak nang tune nung e re man pansin asuk nang lulutang magkang apansin ne king Matas a Banua, ning mismung Miglalang...! Ortelano neng: Renato B. Alzadon February 2006 Ortelano, oyan... penako re keka ing mal a taguri at pigpamie re yan karing magpa-ipus king aliwang dayi...! O'bat mipakanyan...? ding makipanginu tinas do king uri saka ro pupuryan king taguring sakdal, a Bayung Bayani...! Itang kabayanyan a mabie dangalan king kanuan mung budni, sinintang de mu yan a lepastanganan dening mapanuyi...! Ortelano, lon mu... mekalinguan na ka king kekang Kakewan...! Balang damdaman mu kapuryan karetang meko memagdaywan...! Ing kabantugan mu napun nakadua na tana mekalingwan....! Pati gubyernu mu pepabustan nakang anti mong pisawan...! Keyalimbawa mu metung a sampagang kinupas na legwan...! Uling ing balen mu ginulut ya keka, dili mung melakwan...! Ortelano, nuan ka.... E mu tatangisan kalma mung melaun....! Uling atyu keka, at e mako keka, banal a bendisyun...! Pigkalam ne keka nitang Mayupaya ing maguing pekapun...! At duku ngan keka ing bague king banua, king danum, at gabun...! Nung ikang magdusa, manabu lalam nang saug ning pagmalun.....! Mabilug yang bansa ing atmu salusung tulandung king aun.....! For more poems go to the next page: http://maxpages.com/poecia/poecia27 Compiled by Ernie C. Turla, curator |
 Sign Guestbook |
 View Guestbook |
 ernieturla@yahoo.com |
|
. |
| Visitors: 00824 |