 |
 |
 |
 |
 |
 |
 |
 |
 |
 |
 |
|
language
poecia2poecia3poecia4poecia6poecia7poecia8poecia9poecia10poecia11poecia12poecia13poecia14poecia15poecia16poecia17poecia18poecia19poecia20poecia21poecia22poecia23poecia24poecia25poecia26poecia27poecia28poecia29poecia30poecia31poecia32poecia33poecia34poecia35poecia36poecia37poecia38poecia39poecia40poecia41poecia42poecia43poecia44poecia5poecia45poecia46poecia47poecia48poecia49poecia50poecia51poecia52poecia53poecia54poecia55poecia56poecia57poecia58poecia59poecia60poecia61poecia62poecia63poecia64poecia65poecia66poecia67poecia68poecia69poecia70poecia71poecia72poecia73poecia74poecia75|
|
| Library of Kapampangan Poetry, page 10 |
 |
| ERNIE C. TURLA , curator |
| ||||||
| Table Of Contents: 1. Subucan Pamu Bang Mabalu by Ernie C. Turla 2. Ing Guintung Aral by Ernie C. Turla 3. Sulsi-sulsing Isip by Tony M. Pena 4. E Ra Ca Man Icua Lagyu by Ernie C. Turla 5. Ing Taung Ating Sarul by Ernie C. Turla 6. Ninu Ing Siping Mung Bale by Ernie C. Turla 7. Ing Larawan Ning Cacung Sinta by Ernie C. Turla 8. Balic-Balen by Tony M. Pena 9. Ing Pamicawani Ta by Ernie C. Turla SUBUCAN PAMU BANG MABALU by Ernie C. Turla Ating migdeclarang imposibling gawan Oneng ating metung misna qng tetagan Meili ya at iti e na paniwalan Ban mabalu, nga na, dapat pang subucan Agad linundag ya licas ne'ing baru na Ban layun mibasa cabang magobra ya Bista ma't masaquit pigtiririn na pa Ot ayari nia rin mipamulala la Ating migsalita "Ninung macagawa Ala cu pang balung guinawa caniti." Oneng itang metung e ya maniwala Ban mabalu, nga na, dapat subucan pa Leco ne'ng cupia na miglislis yang tacde Diptan na'ing agyu na arap ding manalbe Macuyad salita icua neng ayari At deng sablang tau tingguen deng bayani Maralas ing tau agad cucurul ya E pa man bitasang iti megumpisa Tatacut nang daptan itang e na sanac Iti e sulapo macuyad ya pacpac Alang imposibli picabaluan na'iti Deng memaninbentu at memagdiscubri E ro paniwalan dapot nang miliari Pepalto rong mali ninung maili ngeni? ING GUINTUNG ARAL by Ernie C. Turla Sasabian ning guintung aral / "E mu daraptan queng para Mung tau ing e mu buring / daptan na munaman queca." Ala na cung balung mas pa / o casing tindi na muman Niting turu nang Confucius / a bulalag queng catutuan Nung ing sarili ning tau / ya cabud ing cayang balu At nung deng cayang capara / e no paqui-tungue lalu Maguing mayap, maguing maroc / ing gawan na yang gawan da Nung mananaman ya mo sa / tanam na ing pupulan na. Ania bayu ta sa daptan / ing quecatang babalacan Magbili ta queng bili na / ning ninu mang daraptanan Cutnan ta pa ing sariling / isip, pusu at panamdam Nung deng sabla daptan da 'iti / magwagui ing capayapan SULSI-SULSING ISIP TAGPI-TAGPING PANINAP (nang Tony Mercado Peña) Tunggal-tunggal cu lang agawang pisuglung-suglung pulut-sepu da ring samut-samut pulung-pulung metung baul cumpul-cumpul sinimpan tagimpan lacuan-dasan cu aldoldo quing cacung pagqueran. "Quesio-quetal" amanu cung selabat- paquibat quiti-quiti namu ning gunam-gunam cung puyat tayid-tayid, susyuc-busuc alipugpug pelisan mibatibat quing bicual-bicual kung panimanman. Ing gana-ganang resa-resang bungisngis isip caring balugbug buca-bucacang curap-curap pirungut-rungut salu-salungat quing acmulan mangaclac yang sagacgac ing siguc lalamunan. Antimurin tamual-tamualan ing lambi't cambe daring mulagat lawe't wawang mangulate urung-lusung paldac-sicad bitis cung mangapcap sicmal-gamal bucsi ning danupan cung paninap. Capilan mayuyut-lulut sinta mung pagcaymut at malaglag quening siping pagqueran maglumut salacban me'ing ulas-dase mapaling lingap sulsiyan caul matalic tagpi-tagping paninap. E RA CA MAN ICUA LAGYU by Ernie C. Turla Maralas neng sasaque cu / careng "pick up" a ausan da Pane racang atatabnuan / acacasaque canita E mu pansin lalon daca / anga na potang culdas ca At nung balu mu mu sana / buri racang aquilala Mipasuerti cu icua cung / misiping queca 'niang misan Queng luclucan cayagape / aguiang mascup at sicsican Dapot bista't ing pusu cu / yagcat na cung magsalita Queng taloti ampong dine / mepipi cu ata dila Misan iniang quinuldas ca / mequituqui cu pa queca Tiquian dacang macarayu / queng guilid na ning calsada Dapot iniang qng palenqui / neng puputac la reng tau Gulpi na cang mitda anting / mutya queng panimanman cu Mengalabas ing panaun / ala cu pang apirusta Pero ing lihim queng lub cu / e mu anting pigagawa Indat acasaque raca / titibuc ya'ing cacung pusu E cu balu ing daptan cu / ing oras masasayang mu E cu balu nung capilan / tauli racang acasaque Bigla na ca mung mewala / queng cursu na ning cacung bie Pepabulan, pepabanua / e na ca linto darecha Sisisi cu queng caina cu / e ra ca man aquilala Maluat na'ita at neng cai / biglang aganaca raca Dalise pa queng isip cu / itang napun nacadua na Ing ichura ning lupa mung / meniampucaque queng lagu Oita mu pin sisisi cung / e ra ca man icua lagyu! ING TAUNG ATING SARUL by Ernie Turla Ticnang ne ing damulag na / para painawa saguli Que libutad ning marangle / nung nu malipup ing pali Pinulis na ing pawas nang / diribulbul alang patna Larawan ne ning quepaltan / saya, diwa at pagasa Megupu ne queng bayat ning / pepacarga ning panaun Pibabatang casaquitan,/ queng pagal at obligasyun Cabang aguantan ne'ing sarul / bucut ya at macaducu Queng asque na malunus ca,/ magcacasaquit ya rugu Mibait yang ortelanu / queng gabun ing cayang obra Careng matua't pipumpunan / masusi na'iting amana Ing pawas queng cayang canuan / pauli na ning pagal na At ning pali na ning aldo,/ mamagus queng cayang lupa Nung ala yu macananu,/ ya'ing papalto queng cabiayan Alang pale, alang abias, alang nasi careng pingan Capaltan la't macurilyu / queng cailangan na ning atian Misaquitan ta queng danup / iti balen balu ta ngan At metung pang picabaluan / queraclan deng ortelanu Casamac la queng marangle / maquipag-obra lang tau Ing daque ra queng pinalut / e magcasiang pagcabie ra Calulu la cabang-caba / queng paintungulan ala la Anti ya wari canini / ing pequiwangis ning Guinu Queng mismung cayang sarili / aniang gawan nakatamu Camaganac ning damulag / butit na burac-buracan Mitabnu no reng quile na / at meglipac talampacan Ania nga nang Edwin Markham / quetang cayang cawatasan "Nanu caya'ing capuntan da / reng gobiernu at cayarian Potang magalsa ne iti / at yang magmandu queng yatu Caibat na ning cataimican / ding mangalabas a siglu?" NINU ING SIPING MUNG BALE? by Ernie C. Turla Pemugbug de reng tulisan / sigmit dong cayang salapi Licuan de que lele dalan / imalan na mengaguisi Meguing sapua ya ichura / neng limbag yang cayang lupa Queng datang na ning alcus na / mayap na mu mabie ya pa Gagapang ya at sasaingsing / papapiglo queng ninu mang Maca-ibie saup caya / maganacang mipaindalan Anga 'niang micasat nia mu / queng guilid na ning calsada At quebatingan animu / dapot ating pang inawa Macatacut neng queng lauta / queng lugal a miquelangan A nung nu reng lalabas mu / pihung pacasaque la ngan Piligrosu lacuas na pa / deng "hyena" queng caquewan Panenayan dang dalumdum / bayu la maintun laclacan Map namu pin ating taung / queng tulid na mipadalan Dapot e ne caquilala / ania e ne ticnangan man Ating metung pang tutuqui / linawe nia sinaguli Neng iquit nang e ne balu / sindu na nang migpauli Milabas ing metung oras / iniang medyu sisilim na Ating dinatang a tau / iti agad quinuldas ya E na ne'iti linawe man / maliksi ne'iting siclulu At seque ne at inatad / quetang bale a ospisyu Carin peca-intriga ne / careng cualta'ing manibala "Angang e ya macalacad / lingapan me", nga na caya, "Nung magculangan la pa ren / puntan mu cu Santa Ana" At queng addres a binie na / Samaritanyu ya pala. Canitang panaun aita / Samaritanyu at Hudyu Ela canu micasundu / anti lang pusa at asu Nung ania pin neng Hudyu ya / ing dela nang papaulu Mengapacama-cama la / queng guewa ning estrangeru epilogue: Ating metung a mangutang / "Ninu ing siping mung bale?" "Catacbangan ya mu dayo / o quen yang palele-lele?" "Ing casiping bale," nga co / "ya'itang apapanaligan Ya'itang sasaup queca neng / oras mung pamangailangan" Aguiang nu co pamilapit / nung e co man mipanatu Nung e co man misasabi / anti cayung micandayu Casdan mu ing siping bale / atyu pa mu Macabebe Dapot neng cayabiayan me / tutunguen meng siping bale ING LARAWAN NING CACUNG SINTA by Ernie Turla Aguiang capilan pa / e mica-larawan A obra maestra / ing cacung palsintan Ninu naman waring / lubus maca-copia Queng cacung paninap / a lusuc queng diwa Quening tronu na ning / cacung pasaldangan Busal ning ligayang / pantas a panamdam Mimiral ing maniam- / pucaque nang leguan Ning Reyna queng bie cu -- / cacung pupugayan Milagru na mecad / nung ating artista A macagulis at / macapamintura Queng cayang timtiman. / Ala yang capara Cacalingquingan nia / lagu'y Maria Clara Cailangan pamu ing / mipmung guelingan na Ning taniag a pintor / anti mo'y Juan Luna Saupan na queng pinsil / Vincent Manansala Ban ing cayang leguan / sunlag a masala Cailangan ya naman / ing tindag ning bulan Para mamantabe / at mie catalaruan Uling iting tema / misna ya caselan E ya basta-bastang / bague pipinturan Ania pin ngeni pa / sasabian cu na ta Alang suguing pintor / queti qng masala A queng cacung sinta / gawa neng larawan Neng sacdal ya uri / ing sinup nang leguan BALIC-BALEN by Tony M. Pena Nung malwat na murin ing pamaglaco mu Dinayu't meyuyut sumangid ning yatu Manibat canitang ing balen mung tibwan Queca yang alacwan pero e quelingwan Para manintunan bayung pangabyayan. Subucan mu ngeni magbalicbalen ca Manwala ca cacu pusu mu taba ya Queng paquit dang lugud quecang capamilya Mangataranta ca queng pamanagcat da Mangan queni, minum carin, terac queta. Queng pamagbalic mu nung taba ya'ing pusu Queca namang bulsa mayayat yang pihu Macanyan mu naman balugbug culingling Mangataranta ca carelang saingsing Awad queni, dinan queta, limus carin. Macanini pa man e mu na paglibe Ing metabang pusu't meyayat a bulsa Binie mung material lugud ing sucli da Lumbe quing lupa da acwa mung abaclas Mayumung bunga ning obrang pagal pawas. ING PAMICAWANI TA by Ernie C. Turla Mamalis co pala / queng quecong tucnangan Papuntang malaut / aliwang balayan Uling lilipat de / destinu y Tatang Tana co maliswas / mag-alsa-balutan. Napun qng graduacion / nung balu mu sana Ing lua ring mata cu / ali cu adala Pilit tutulu queng / canacung imalan E cu ayaguanta / nan cu mang labanan Layun mibabalic / napun nacadua na Acung casanga mu / ustung mag-"folk dance" na Icatang pambatu / queng quegana-gana Matula la ngan deng / manalbe quecata Mipag-duetu catang / maralas queng canta Lacuas na pa ustung / atin nang programa Dimla ning suala mu / tune macayama Papaduyan pusu / at babie ligaya Manibat qng wambi / acu nang magdala Careng quecang libru / neng lalacad cata Neng corsunada cung / maqui-cuentu queca Aldoldo queng dalan / paquiagnanan daca Mamialung queng mula / pane tang gagawan Maguing tacap-silim / maguing salicutan Masimpan iti queng / cacung caisipan Neng bububud samyu / queng caligayahan Onci anyus ca pa / matua cung pabanua Maranun cang linub / "grade one" qng escuela Dapot macanian man / quecata memunga Sintang miquelangan / at alang capara Uling para cacu / malagu cang dili Ala ni metung mang / milabas a bengi E ca mo sa sunlag / queng cacung paninap Quiquislap queng hinhin / anting alipatpat Bala cu pamo sa / anga nang cuartuanyu Micaclasi catang / miabe desk at cuartu Macananu caya / queng bulan ning Hunyu At queng cabilugan / ning panga-"high school" cu? Queng cayang teracan / potang graduacion na Ninung queng siping cung / cacung capareha? Calulung pusu cu / magcunwari nia mu Icang macasable / carening pago cu Ania samantalang / samal lang mangarga, Queng lalam ning balag / acu ampo ica Queng yuyuyung duyan / miarapan cata At mipagcuentuhan / anti mo ing sadia Cabang maili cata / alang maquibalu Qng queng daraptan ta / maglimbang cata mu Sancan-sancan ta mong / canuari matula Aguiang deng mata ta / mangale la queng lua. Ditac nang penandit / at mamaco na ca Lumipat queng dagat / sanlad king Zamboanga A-miss cu'ing lambis mung / saresa queng yumu Mequeni, bandi co / aruan me'ing pusu cu Magpacatatag ca / o cacung caladua Miras na ing oras / yari ne'ing istoria Mamun neng mamaco / ing sinta ning bie cu Matalic a caul /....oyta,.... ala na yu.... Epilogue: (more than half a century later) Maluat-aluat na rin / capitna nang siglu Manibat canitang / miwale ya cacu Dapot sundu que'iting / maluca cung cuentu E cayu manangis / queng panga-bigu cu Aduang banuang wewe / misulatan cami Dapot ditac-ditac / migpalagad iti Angga na pin iniang / darechang mitucnang Ni metung mang sulat / ala nang dinatang E cu ne iquit pa / pascu o piesta man Dapot misundu'ing bie / alang nanu naman Pero apansin cung / melungcut ya'ing duyan Nung nu que parating / lulucluc miarapan Ala cung a-nobia / o acapalsintan Canitang high school cu / e cu balung sabian Nung baquet aguiang mang / quen na cung colehyu Ala cung piglolon / myuman pasibayu Lima nacung banua / queng cacung carera 'Niang aquilala que'ing / cacung ayasawa Mitatag queng "business" / at migtagumpe ya Menawa que queng bie / ticman mi'ing macualta Metua na ing bili / maputi na'ing buac cu At acu nang dili / maluat nang mebalu Labing aduang anac / a peparagul cu Mequiasawa no ngan / basyu ne'ing sale cu Ustung taimic na't / e cu mipaindatun Agad cung gunaman / itang quetang napun Ing bie cu canitang / malati cu pamu At ing pilsintan nang / mal ning cacung pusu Pilit cung cucutang / queng cacung sarili O nu mong e meco / at iqueng misuerti? Apapaninap que / neng benging malalam At miguiguising cung / masaya panandam Susulud queng isip / cu pamisan-misan Masaya ya caya / queng bie nang delanan? A-i-isip na cu / munaman mo caya O agaganaca'ing / milabas ming tula Sisimpan que pa'itang / singsing a binye na Aguiang plastic ya mu / guintu ing balor na Pigcalub ne cacu / "grade five" que canita Ya man dininan que / sana atyu pa'ita At atyu pa caya / itang "diary" na Nung nu na susulat / ing maulaga caya Nung nu na linihim / ing pilubluban na At nung nu'ing papil cu / acu pa ing bida Banua sicadua na / sinulat cu caya Uling ing queng lub cu / e cu na abata Ating pepabanua / menaya cung ablas Oneng ing sulat cu / e ya ata miras OUR PARTING - (in English prose) by Ernie C. Turla I can't believe you're leaving town with your family! You said you'll be moving to another place - a far away place! Because your Pa is being relocated by his company So now you're all busy packing up. During the graduation yesterday if you only knew How much tears welled in my eyes As I could not bear to see you go I just could not fight it; it was just too much for this little heart of mine For the past keeps coming back softly like the morning sunrise We have always been partners when it comes to folk dances, remember? We we've been practically everybody's favorites It has always been a joy to the audience to see us together We would sing duets in perfect unison Especially during programs and other occasions The sweetness of your velvety voice Dandles the hearts of listeners and gives them pure joys From first grade I have been carrying your books Whenever we walk together to school Because I'm fond of engaging in conversation with you Everyday I walk with you both in the sun and in the rain Playing in your yard during weekends in the moonlight Playing hide and go seek or some other favorite games These I cherish in my mind like treasure As they elicit in me a redolence of happiness each time they flash back You're only eleven now; I'm just a year older You just started school early in grade one But even then, at such a young age, we are able to yield A love that can never be matched by any other Because for me you're the most beautiful girl in the world A night just can not pass by Without you shining brightly in my dream Twinkling like a modest firefly before me What a shattered dream! And I even thought this would be till fourth year high That we'll be classmates seated on the same desk in the same room How would it be now this coming month of June And during all my high school days ahead? How would it be during high school graduation During the dance or senior prom, who will be my partner? My poor heart would just then perhaps make believe Your arms are the ones caressingly entwined around my shoulders So while your folks are busy packing up and loading the pick-up Under the shady trellis, on the glider, facing each other, you and I Are talking like we used to but this time no laughter or giggles As we can't even see each other well, what with all the tears that blur our vision Just a few more moments and you'll be leaving You'll be crossing the sea en route to far Zamboanga I'll be missing the sweetness of your voice, your angelic smile Oh darling, my dearest, appease my crying heart Be brave, oh soul of mine, comfort yourself and learn to face reality Now that the time is here and that fairy tale is now to reach the end The love of your life is now bidding you farewell A tight embrace, yet with tenderness.....and there she is.... out and away into the fog of time. (Epilogue: written more than half a century later) During the next couple of years we were able to exchange letters. But they became more and more seldom as time went by, dwindling until there was no more. Maybe on account of activities and other pressures in life. It was pathetic. For I never saw her again after that. Yes, after that last meeting on the glider-swing underneath the overhead trellis which has since been demolished and replaced by a large family store now belonging to one of my children. I recall vividly how it had been just after we parted. For how can a boy ever forget it? That summer, I and my friends got ourselves circumcised. At the same time I reached the peak of adolescence. I took on sports sometime then and before long I got hooked on basketball, and later, badminton as well. I never had any sweetheart in high school; the relationships I had with girls even in college were largely platonic. I had been teaching English literature for some ten years already when I met the girl who became my wife. We started a business in my hometown which flourished and which eventually lifted us to the upper middle-class status in society. Now old and gray and retired, I am again alone and living the life of a lonely widower, my wife having passed away a decade ago. She left me with twelve dutiful children, now all married and with children of their own. Sometimes in the hush of night when I couldn't sleep, I would recall my life as a kid and think of that girl of my dreams. I would think of how life would have been if she and her family had not moved to another place. How it would have been if it was the two of us together! Very often I would also dream of her and I would wake up with an ecstatic feeling - and then followed with sentiments and tears. So much water has run under the bridge of life since we parted. Sometimes I wonder what kind of life she has had during all these years. Or if she even ever thought of me too from time to time. I still keep in a safe place the golden plastic ring she got free from a candy and which she had slipped into my finger when we were in fifth grade. I wonder if she has also kept the plastic one I gave her. And if she still has that diary she used to write on (I was the "hero" in it for all I know) and which preserved the memories we had as classmates during those innocent years. I wrote her a few years ago, but my (sigh) letter came back. (as told to the author by oscar soriano) To go to the next page, click: http://maxpages.com/poecia/poecia11 To go to the previous page, click: http://maxpages.com/poecia/poecia9 |
 Sign Guestbook |
 View Guestbook |
 ernieturla@yahoo.com |
|
. |
| Visitors: 01316 |