From: "Helen D.Lagman"
To: AmanungSisuan@yahoogroups.com
Subject: TATAGAN TAYA ING progressive Pampanga KING ALANG ANGGA
Date: Fri, 18 May 2007 02:44:33 +0000
KABALEN,
USTU YA ING KANG MIKE. NINU MAN ING MANYAMBUT KANITING ELEKSYUN, BASTA
TATAGAN TAYA ING PROGRESO NING KAPAMPANGAN. NUNG BISAYA, ILUKANU, O NANU
YA MAN ING SINALTA KING PAMPANGA, "KATULIRAN MU ING MABYASA YANG MAGSALITANG
KAPAMPANGAN" .
KABALEN, SIMBITLA KU "KATULIRAN MU" NE? E KU SASABYAN ING PILITAN LANG
MAGSALITA LAKWAS NA POTANG KASALTA-SALTA RA PA MU.
ANYANG ATYU KU KARIN, MASKI NANU ING DAPTAN DA DETING MANAGALUG ARENI,
E DAKU APAPAKIBATAN TAGALUG. KARIN KING UPISINA NING SSS, ISTUNG TAGALUG PO MAM
NGA RA. ING PAKIBAT KU, E KU BYASANG TAGALUG, KAPAMPANGAN KU, NGA CU. NENG
KAYI PAKIBAT DA KANAKU, TAGALUG O BISAYA PU AKO NGA RA. NUNG MAKANIAN DAPAT
KAYUNG MABYASANG KAPAMPANGAN ULING ATYU KO KENI KEKAMI, KENI KAYU
MANUKNANGAN AT MANAKITAN PERA, NGA KO. NUNG BISA KAYU MIPAG-ENGLISH TAMU.
KARENING SCHOOL SUPPLIES AMPONG STATIONERY STORES, KABUD PAKISABYAN DAKUNG
TAGALUG, PAKIBAT KU KAPAMPANGAN. MISAN KITNAN KULA DING ANAK A MAGTINDA,
NUNG BYASA LANG KAPAMPANGAN, OPU NGA RA. ABA, E KAYU MARINE KANYAN NGA KO,
DIRINAN YE PANG IMPORTANSYA ING TAGALUG KESA KENG AMANUNG SISUAN?
MAKARINE IYAN, NGA KO. E YU GAGAWAN KENG PRUBINSYA YU IYAN, NGA KUNG MANGARAL.
NGA CU WARI, E KULA PALAMPASAN DETING IPOKRITANG DETI. NUNG DINAN DAKUNG
PRUBLEMA, KABALEN, METUNG MU ING ISIP KU. PAKIDUANG KE ING PEKAMATAS
KARELA, AT NUNG E PA SAPAT ITI, PAKIDUANG KEPA ITANG KAKATASKATASAN AT
NUNG PANAGALUGAN NAKU, PANYABYANAN KIA NAMAN.
MAKANYAN KENG ILALABAN ING AMANUNG SISUAN, KING TATAKAN, E KE GUGULUTAN.
ALA KUNG KAPIKAKUNUAN ULING KATULIRAN YA ING KANAKUNG ILALABAN. SABYAN YUNA
KABALEN ING KATAPANG KO, AMINAN KU. ITI MUMAN ING AIBYE KUNG MALATING SAUP
KING BALEN KUNG KAPAMPANGAN. DAKAL KU DAPAT LUGURAN AT BALIKDAN KANITING
BALEN A ITI. ALANG PRESYU ING BINYE NANG BIE KANAKU. KARANGALAN KU ANGGA
NA KING MATE KU.
SALAMAT,
HELEN
****************************************************
MAG-KAPAMPANGAN KAYU NENG ATYU KO PAMPANGA.
SPEAK KAPAMPANGAN WHEN IN PAMPANGA.
a la, Do what the Romans do when in Rome. |