Paquibat canitang metung a mangutang:
Isipan cung deng quegana-gana maniwala la queng Apung Guinu. Oita mu, deng aliwa, e ra atanggap ing aliwa nang patacaran ning pisamban da, ampo ing aliwang macasulat queng biblia ning relihyun da nung nanu ya man. Ing universal God, queng palague cu, metung ya mu. Agpang quetang casulatan a abasa cu, deng nunu tamu misasan-metung la queng pangadi at pamaniamba queng Apung Guinu. Macatalanga la banuang mangadi at manalangin. Oneng queng queluatan a panaun, mebyasa nong mebyasa reng tau, at linto la reng dacal a miyayaliwang propetas.
Canita no misalbag deng tau. Atin nang maniwala canini, atin nang maniwala canita.
Potang cai miyayaliwa no pamanatindi reng tau queng babasan da uling deng amanu maca-confuse la neng dacal la maliaring cabaldugan (ambiguous). Canita nala naman mengalto reng miyaliwang pangkat o secta.
Deng minunang tau, agpang quetang casulatan, simpli la mu. Bastat balu ra qng nung alang Apung Guinu, e la linto. Queng matulid a sabi, ing miglalang queng yatu yang lalawen dang Apung Guinu at ala nang aliwa. Oneng digdagan da pang miyayaliwang calacuti reng memanyulat a biasa. Ngeni ating Buddhist, ating Moslem, ating Cristiano, ating Jewish, ating Shintoist, at aliwa pa. Macananung e la maglisya reng aliwa neng e la macasiguradu nu sanu ing tuquian da? Ing acaguisingan dang relihyun ya mu waring macatud? E ra na balu nung sanu ing talagang tinud queng caracal da. Lacuas na, neng balang metung carela, sasabian da qng ing carela yang macatud. Pero, macanian man, deng taung areti e ta mu asabing e la maniwala queng Apung Guinu. Maniwala la naman aguiang mang e la sisimba o sasamba. Mangadi na la siguru queng sarili ra. At maguing anti na la caretang pipumpunan da a ing Apung Ginu ra yapin ing miglalang a mayupayang tutu. |
