 |
 |
 |
 |
 |
 |
 |
 |
 |
 |
 |
|
epistle
language
erniet1erniet2erniet3erniet4erniet 5erniet6erniet7erniet8erniet9erniet10erniet11erniet12erniet13erniet14erniet15erniet16erniet17erniet18erniet19erniet20erniet21erniet22erniet23erniet24erniet25erniet26erniet27erniet28erniet29erniet30erniet31erniet32erniet33erniet34erniet35erniet36erniet37erniet38erniet39erniet40erniet41erniet42erniet43erniet44erniet45erniet46erniet47erniet48erniet49erniet50erniet51erniet52ernie53erniet54erniet55erniet56erniet58erniet59erniet60|
|
| Pampanga |
| ||||||
| Mayap a oras pu kekayu Tang Ernie! Tang, pauna ku na pu ing dispensa nung manapse kung e manyaman kablas balugbug nung makananu lang menapse mabuluk a panasbuk dening kalupa ku naman myembru keni king Akademya. Panupaya yu naman pu nung manimuna kung makibat keng kutang ng medelm58 ampon keng mabangnas a lepag nang Vanilla. Keka medelm58, Sablang kebaluan ku ing pamanyawad permisu keng pamakyabe kening Akademyang Kapampangan ing king para ika makapanambag ka keng IKASAPLALA, IKASALBA ning Amanung Sisuan. Kakadwa na nita ing king para lumwalas ka kebaluan kening Amanu tamung Sisuan. Milako tamu animo keng talagang payntungulan ning Akademya! Eku makapanamanu para kang Dr. Udis pero keng sablang kebaluan ku i Doktara guguyapgap yang masolu emu para keng ikasaplala ning Amanung Sisuan nune para keng kalayan da keng kakaluluan deng kayang kabalen at kabaryu a pakikwanan nang makapatalakad a eskwelang libre para kareng pakakalulu mekad datang ing oras metung kareng kamaganak mu makinabang keng pipawasan nang daya'ng Dr. Udis . Uyta ing amanuan kung makaKapampangan. Palage ku medelm58 nung atin kang masabal a mamasa keng pamitalamitan da reng grupu abalu mu siguru obat i Dr. Udis pagmalasakit ne ing kagalang-galangan a Presidenti ning Pilipinas Gloria Macapagal Arroyo at deng aliwa pa keni. Kang Dr. Udis emu kabalen ne nune deng pamilya da mikakabalu la pipumpunan at mikakanlapit la pilubluban nung aytindyan mu ing kakung amanuan. Ing kukutang mu naman keng moderator kalupa na ning abaggit kung minuna na eku makapanapse para kang Tang Ernie pero ing sablang kakung kebaluan i Tang Ernie ala yang patnang GUGULYUT, MAGMASABAL keng kayang penalakaran a dalan ning Kasaplalan, Pamaningat ampon Pamanyagip keng Amanung Sisuang, ing Akademyang Kapampangan! Dapat ya waring ikutang nung ketang amanuan mung malapasistang sosyalismu o demokrasya ing grupung ini??? Para mu kanaku uling matigik kung myembru ning Akademyang ini yang kakung sabyan. Liban ke ing grupung ini uling balu ku ing kapupuntalan na. Ika liban me, balu mu ing kapupuntalan mo? Nung demokrasya o sosyalismo ketang amanuan mo? Palage ku emu balu ing liban mu anya pangutang mu keng manimunu ning Akademya nung nanu ing aluban mung grupung ini! Ninung masalasalese a kaisipan metung a taung luban me ing metung a bage emu balu ing kaulyanan mu??? Nung mipakarok ka o mipakayap ka? Nung masibasib kang mamasa kareng pamitalamitan da reng grupu, balang pamitalamitan ketang katatawlyan atin yang pinaskil ing manimunu keng grupung ini a e milalako oyni ipaskil keng pasibayu keka ban mung balu! **************************************** Ing amanung sisuan at ing balen a tibuan Ila ring quecatang saguipan at paca-ingatan. **************************************** Yapin ini medelm58!!! Keng kegana-ganang agyu ning dapat minyawad permisu kening grupung telakad nang Tang Ernie (Moderator) a makyabe OYNI ing dapat pakasikapan nang daptan ampon pakatangka king keyang pilubluban nung nanung akagyu nang asaup ban ing puntirya ning metu ketawan a Kapampangan kumabye ya king kalayan kabyayan MAKAKAPAMPANGAN. Ngeni nung metung ka naman alang masabal a Kapampangan a alang adake para keng ikasaplala ding Kapampangan eya ustu ing kekang aluban. Balu mo obat asabi kuyta? Munang-muna keng kelambatan kung mamasa kareng talamitan ampon makitalamitan kening Akademya, nune ngening atin kamung bilalat keng pulitika karin ka mu mekitalamitan! Ni minsan ala kung ikit gewa mu o dinake kapagmasusian para king ikasaplala ning Kapampangan o ning Indung Tibuan. Sabyan ku nang masolu keka, nung yaku mu mekad angga na kareng aliwang myembru ning Akademya..., oba't magmalasakit ku pa keng kabyayan yu ken king Pilipinas mig gubyernu kayung sosyalismo, militarismo eku man miyapektuan? O't eku na gulutan ing kamuritan, kakaluluan, kapamuraytnan nung nanu pang buluk yu ken king Pilipinas tutal yaku ikua ku nang minawa keng kabyayan at enaku gugusal kalupa yu ken! Oba't akakua kupa at dening keraklan a myembru kening Akademya a magmasabal kekayu ken? Oyan ing dapat yung pakaisipan ken nung bakit manawa naku bie pilit keng susubsub pasibayu ing sarili at magmalasakit keng kabyayan yu ken. Balumu medelm58, ekuman manula a kalupa nang Nostradamus para akit ing kapupuntalan ning kabyayan ken king Pilipinas pero akakit ku ala na kayung masanting a kapalyaryan ken king Pilipinas nune dening malugud at magmasabal pa mu rin keng Indung Tibuan a likuan da a mimisip, manigaral ampon gagawang paralan nung makananu lang makadake para keng ikasaplala ning Pilipinas. Agyang nanu man pamagmasabal ing gawan mi nung ikayu na mismu ken ala kayung kapagmasabalan ala mu rin malayaring kayapan ing gagawan mi keni lauta. Nung ikayu na mismu ken eye agyung galangan ing manimunu ning kekong Bansa. Makananu pa kaya ing babie yung galang kareng manungkulan keng balen yu? keng baryu yu? O nung ita Presidente ne eyu ayibie ing karapatan nang galangan ye den pamo kayang pekamababang pwestu katungkulan keng kekayung baryo? Pamanggalang a amanuan ku malalam ya buring sabyan para keng metung a taung e makaintindi!!! Anya abanggit ke ing PAMANGGALANG ngamu kaku mangutang, uling yamu ing DALAN ning kekong KASAPLALAN ken king Pilipinas! Nung eka makaintindi o deng aliwa pang Pilipinung e makaintindi oyni baba ke keng tukuran kung eran ban meng aytindyan! Ing pamanggalang o pamagmasabal magumpisa ya mumunang-mumunang dili keng sarili mu at sarili ning balang metung a Pilipinu! Kutnan daka nung nanu ng kapagmasabalan gewa muna keng sarili mu??? Ban kang makapagmasabal keng Indu mung Tibuan. Ika mu at deng aliwa pang Pilipinu ilang makapakibat ketang kutang kung ayta! Oyni'a at pagumpisan keng isplika keka nung makananu yang muli keng kasaplalan at kanawan ing Pamagmasabal. Anyang ika ekapa magaral mituru keka ing papapu ka kareng makamatua keka? Manyiklaud ka kareng makamatua? Dinalakit ka keng dalan nung tyu ya ketang kasumangid dalan i Apu mung atin bibitbitan pemalengkian at manyiklaud ka't sopan me ketang kayang bibitbitan? Anyang magaral ka mapagmasabal ka keng pipapagalan da reng kekang pengari ban dakang apayari keng pamagaral a mangatas ka akakuang marka? O bulabulakbul ka keng pamakipagbarkada? Mapagmasabal kang metung a penganak a eme pepakasnukan pilubluban i Tata mu o Indu mo? Migmasabal kang sinaup meningat kareng kapatad mo? Migmasabal kang sasaup maglinis keng pibale-bale yo? Akutang ku ngan ini uling ken yang metung ating ukol a pamilya magumpisa ing Pamanggalang ampon KApagmasabalan!!! Ngeni siguru atin nakang sariling pamilya at masanting kapanintunan nung WA ngan ing pekibat mu kareting kitang kung mengapauna. Ing kutang kung pasibayu keka at kareng aliwang Pilipinung makabasa kanini, Nung miglate mabilug yung pangatau ing Kapagmasabalan ampon Pamanggalang nung makananu dang tiru keka anyang ika dimut ka pa kaisipan? Nung Wa na naman ing pakibat! mangutang naku na naman ban tang misasalaminan! Keng pamangising mung abak aldo obra atin kang pamangalang keng kapuyatan ning asawa mung mepuyat keng kapitangang benging pamangyak ning bunsu mung bingot? O gisingan meng papaglutuan ban atin kang almusalan ampon bakalan? Pamanggalang a umang babie mu karening anak mung matulsak pa keng pagkeran ketang oras a lakuan mula papunta king kekang pamanintunan? O panyikaran mong gigisingan at palmuran ban mung apalto ing makagising ne ing karelang giginuan at mako neng manintunan? Kalual mu keng dalan kapagmasabalan king kalinisan ning kekang dadalanan a sasaup mamulut dinat keng dalan o metung ka naman mandagdag dinat keng dalan? Pamanggalang keng sarili ing mimi ka keng dalan a labas-labasnan daka keng kekang kalasingan? Kapagmasabalan ing mitatawli ka keng oras pamagobra? Kapagmasabalan keng obra a babie pamangan lalapag keng lamesa ing keng oras ning pamagobra makipag text kang alang patugut? Pamanggalang keng bale pisasamban keng Apung Guinu ing cell phone mu kuliling neng kuliling kabang mangadi? Nung magmanejo ka man saken atin kang masabal a text nakang text kabang magmaneju ka? Atin kang masabal keng eskwelang pipagaralan da reng anak mung myembru naka ning PTA? Atin kang masabal a linapit na keng eskwela ning anak mu at kitang mu nung makapagbluntaryu kang magtutor o mag mentor karening anak a mayna taluki keng pamagaral? O ala ka naman masabal at alang panaun? Migmasabal na kayu iko ngan pengaring atin magaral ketang eskwela da reng anak yu na mig fund raising na kayu ban iting upayang makasaling pintura at magboluntrayung pinturan yang bayu ing eskwela bayu mibuklat ing klase? O paupaya yu na naman keng gubyernung pilit yung palsangkanan? Migmasabal nakayung misiping-siping bale keng metung a dalan a miyayambagan at maglutu nung nanu man kakanan bilang fund raising yu ban kong makasaling basurajan at ilatag keng dalan ban atin lang piyugsyanan dinat deng taung lalabas ken kekong dalan bilang kapagmasabalan keng kalinisan? Kapilan ko pa migmasabal mitipun-tipun metung a aldo alang obra na miyayagape kayung mamalis, maglinis labuerta yung dalan? O mitipun-tipun kayu mu at makapadurut kening boteng alak pena-penandit gula-gulisak keng dalan at pangulaytan yo ngan dening kekong asawang maglutung pamangan da rening anak a danupan at kwanan yu pa ban yung apamulutan? Kapilan kayu pa migmasabal karening anak kalat-kalat keng dalan kabu-kabukas sisinding marijuana o nanu mang droga na iko ngan tatang ning baryu mitipun-tipun a ginawang maging activities da rening anak ban lang miyayalis kaisipan maliban mu keng pamagdrogang aluluban da? Nukarin ing PAGMASABAL yu? Nukarin ing PAMANGGALANG yu ken kekayung balen, ken kekayung manimunu a gugusal ban nako ngan isalba keng kasakitan? Ena ngan agawa ning manimunu iyta! Magumpisa keka ing pamagmasabal! Nanung DEMOKRASYA? Anyang dictador ya ing manimunu kekayu pakasakmal kayu katuliran obat ala kayung lantaran a bubulatlat laban keng gubyernu? Sobra ing pilit pamanggalang yu keng gubyernu! Manawa ya ing bansa yu! Alang mapanako kalat-kalat kapitangan bengi...alang anak kalat-kalat sindi-sinding marijuana kapitangan bengi deng pasbul kareng bale ela man makakandadu uling alang manako! Ing amanuan ku mu ngening atin demokrasya eyu balu nung nanung gawan yu kening demokrasya uling mipasobra ya! Kakadwa na nita kaylangan pa waring metung a manyakmal katuliran a mangubyernu para ayibie ya ing katuliran ng GALANGAN ya at suportajan nung ninu man magpakasakit guguyud manungkulan ning balen. Kanaku pamanggalang ing babie ku nung ninu man ing manungkulan kekayu ken uling nung ikabit me ing sarili mu keng kabilyan na! Deng ngan kayang taung sasakupan mu mibie ing PAMANGGALANG keka nung makananu yeng e gagalangan ing gubyernu yu. PAMANGGALANG keng Gubyernu MIYAYAGAPE la ning PAMANGGALANG keng sarili ning balang metung a Pilipinu. "ULING IKA ING GUBYERNU" Ing kutang ku kanyan medelm58! Nanu na ing gewa mung PAMAGMASABAL keng kekang BAlen? Nung yaku ing kukutnan mu keng kapalmatutuan nang Tang Ernie atin kung adake agyang kasubu yamung nasi! "ULING KASUBUNG NASI MAKAGYU NENG MAGPAKABSI KENG ANAK A MALATI" MAGMASABAL TAMU AT MAMIE GALANG KENG NINU MAN ULING YA'NG DALAN NING KANAWAN! MAGUMPISA KEKATAMU.... Mayap a oras ngan pu kekayu! Pusung BABATAK a KAPAMPANGAN, Arnold |
 Sign Guestbook |
 View Guestbook |
 eiturla@aol.com |
|
. |
| Visitors: 00082 |