 |
 |
 |
 |
 |
 |
 |
 |
 |
 |
 |
|
epistle
language
erniet1erniet2erniet3erniet4erniet 5erniet6erniet7erniet8erniet9erniet10erniet11erniet12erniet13erniet14erniet15erniet16erniet17erniet18erniet19erniet20erniet21erniet22erniet23erniet24erniet25erniet26erniet27erniet28erniet29erniet30erniet31erniet32erniet33erniet34erniet35erniet36erniet37erniet38erniet39erniet40erniet41erniet42erniet43erniet44erniet45erniet46erniet47erniet48erniet49erniet50erniet51erniet52ernie53erniet54erniet55erniet56erniet58erniet59erniet60|
|
| Pampanga |
| ||||||
| Hi...Dido, Tutu cung matula canining babalita mung Capampangan a intelihenti at isipan mung mapaliaring bisang magcusang sumaup quening Capampangan Hands Across The U.S. (o, Globe) a inapag nang Helen para queng caunlaran na ning quecatamung salita. Balamu acaquit taya queni ing ispiritung "bayanihan" a nung nu cabalitan la reng queta quecatamu, at ing tanda na tau lang misaup-saupan mamuat queng lilipat dang bale. Nung ing cayabe mung yan queng opicina maqui-agum ya quecatamu at sopan nacatamung manintun mialiwang organisasyun a Capampangan (including single individuals with region-nationalistic attitude) a ating pusung magmasabal queng Amanung Sisuan banting upayang manatili ya capilan man, by all means, sana ayagcat me. Queng maliguang panaun, bayu ne alaso ning lenguahing nacional ing salita tamu, calupa na nung macananu ing miliari careng North American Indian a salita a atin na mung mapilan a taung macapagsalita careti pauli na ning language policy na ning U.S. iniang minuna, acua tang asabat iti. Uling macanian mu naman ing guewa nang Aring Sinukwan careng calaban nang ibat Makiling iniang paqui-cuanan deng acuang pasibayu ing reynang pisitara na at dela qng bunduc ning Alaya a ya pin y Maria. Bigsac no reng mangaragul a batu queng ilug para masabat la, at antimong milagru ing danum migbuerta papunta que carela at ing masican a agus binalic no queng penibatan da! Agpang qng macudtang Vedasto Ocampo quetang cayang curiru, y Sinukwan (Suku) ampo y Maria meca-supling lang atlung Maria: Mariang Malagu, Mariang Mahinhin at Mariang Matimtiman. Pero balic que queng nung nanu ing agawa nang Sinukwan a asabat no at atabi reng dayuhan, itamu man asabat taya at atabi ing sanu mang salitang lulusub que quecatamu at bisang mamalit queng quecatamung mal a salita. Talaga pin atang Kapampangan Hands Across The Globe ya ing gawan tamu, at yapin ing pami-adua-aduangan gamat da reng miayaliwang buclud a Kapampangan mabilug a yatu. Sagmitan tamu ing guintung oras aiti at e ta paburen susulapo mawawala ing panaun. Caba mu mang y Gloria yang macalucluc, at uli na ning tutunguian neng balen nang talaga ing Lubao pauli nang tata na aguiang mang bait ya Menila! Erning Turla |
 Sign Guestbook |
 View Guestbook |
 eiturla@aol.com |
|
. |
| Visitors: 00053 |