 |
 |
 |
 |
 |
 |
 |
 |
 |
 |
 |
|
epistle
language
erniet1erniet2erniet3erniet4erniet 5erniet6erniet7erniet8erniet9erniet10erniet11erniet12erniet13erniet14erniet15erniet16erniet17erniet18erniet19erniet20erniet21erniet22erniet23erniet24erniet25erniet26erniet27erniet28erniet29erniet30erniet31erniet32erniet33erniet34erniet35erniet36erniet37erniet38erniet39erniet40erniet41erniet42erniet43erniet44erniet45erniet46erniet47erniet48erniet49erniet50erniet51erniet52ernie53erniet54erniet55erniet56erniet58erniet59erniet60|
|
| Pampanga |
| ||||||
| Edwin, Wapin, sayang na pen e ta ikwang mikit! Dapot i Kragui pekikitan naku ketang bale tutuknangan mi Macabebe inyang misan ayaldo kaybat ming menatad panulu ketang metung a lugal. Lima keng oras mipag-exchange ideas, at dakal ka mi murin apisabi. Alus pareu kami pamisip at mitutugma kami maliban mu keng orthography, pero e na talagang importanti man ita. Bastat neng pareung para keng kapakanan na ning kekatamung salita ing pareu ming buri, aregladu at pisaup-saupan. Ing peka emphasize ku kaya, at peniwalan na, ya pin ing iyadya la pami-isip (mindset, mentality) deng anggang tau Pampanga and Tarlac bayu tamu manyad referendum nung manyawad ta man. Uling pota deng tau e ra balu ing pakibat da at mipakarine tamu mu, nga ko. Alimbawa namu, nung kitnan do mong, "Atin kong problema keng pangaturu da reng anak keng Tagalog?" at ing pekibat da, "Ala pu." At, "Mabibyasa ko keng Tagalog? At buri yeng palitan keng Kapampangan?" "Ay, ali miya pu", nga ra mo alimbawa. Ba, kanita mu mepatad tana! Lepitan tala mo reng otoridad at manyawad referendum para kutnan la reng memalen nung dapat yang mipalitan ing Tagalug keng Kapampangan, at bandang tawli pala, itamu mung ditak deng talagang interesadu at deng keraklan tatanggapan da neng mayumu ing Tagalug, makananu kanita? "Lon yu, e la man pala magreklamu reng keraklan, it ikayu mu" nga rang mamulyo kekatamu kanita! E ra na katamu pagbigyan o payntulutan maus referendum! Anya, bayu tamu manyad referendum, sulatanan tala pamu deng local school officials, deng mestru ampong disipulus a menga "brainwashed" kareng dakal a mengalabas a dekada. Indoctrinate tala, at pabalu karela nung nanu ing matsura nang kapupuntan ning palakad nang anti ini ning DepEd a ing lengwahi tamu mapipilpil ya keng suluk at bitasang e ne magagamit keng iskwela. Baligtad tamu ing mitanam a klasing nationalism keng utak da. Ing balen pamu, bayu ing bansa! Ing local language pamu, bayu ing national language. "Kapampangan for Kapampangans" should be made our motto. Nung e tala yusig keng anti ini, alang maliari keng buri tang parasan. Anya sasabyan kung pasibayu, ba na katang e swatan ning gubyernu, kaylangan ing pamisip da reng Kapampangan makatud at misan-metung. Kaylangan abalic taneng pasibayu ing lugud da keng karelang salita, kaylangan mikamasabal keng amanu at talagang tune nong ating panandam "makabalen". Uling bayu ya mabisa ing gubyernu para mye referendum, pihung subukan no pamung itest deng mapilan para ataruk no kapanandaman at ban abalu nung talaga ping "worth" yang yapag karela ing mesabing referendum. Nung ikit dang dakal la pin pala reng taung makasalangsang keng patakaran a kasulukuyan at buri reng palitan ing medium of instruction tamu, mapalyaring apruban de. Para e ta masira keng arapan da, at ba tang e masupalpal potang adwan tamu iti, yadya tala pamu pamisip deng memalen keng kapamilatan da reng sulat a iparala tamu para basan ding opisyalis, mestru't estudyanti. Kaylangan midukit keng utak da iti at kaylangan isane tala keng kekatamung "cause" a tutukyan, o panigobran kaya. Ikit ku no ngan detang pepa-download mung sulat, at ustu la, Edwin. Bastat samasnan tamu at panyamalan, at ikayung bala ri Dr. Lacson at Mrs. Henson neng iko ing pambungad at ikaming atyung makarayu susuporta na kami mu. Pasaup kong manintun political figures (uling kaylangan ta la ren), including Estelito Mendoza (he was a big supporter of Kapampangan writing during his time and he may still be now), Cielo Macapagal Salgado (neng kapatad neng GMA), at i GMA mismu siyempre. Deng congressmen tamu, deng mayor at barangay captains, aligwatan yula, kaylangan lang gisingan a kapanandaman ba lang kimut, uling atyu kareti ing talagang bosis neng itamung keng larangan na ning kultura e ta ma-influenciang anti karela, mayna tamu mu kalugkug o bosis. O sigi ne, T.Ernie Hands Around the World to Save Kapampangan from Extinction (HAWSKE) |
 Sign Guestbook |
 View Guestbook |
 eiturla@aol.com |
|
. |
| Visitors: 00109 |