 |
 |
 |
 |
 |
 |
 |
 |
 |
 |
 |
|
epistle
language
erniet1erniet2erniet3erniet4erniet 5erniet6erniet7erniet8erniet9erniet10erniet11erniet12erniet13erniet14erniet15erniet16erniet17erniet18erniet19erniet20erniet21erniet22erniet23erniet24erniet25erniet26erniet27erniet28erniet29erniet30erniet31erniet32erniet33erniet34erniet35erniet36erniet37erniet38erniet39erniet40erniet41erniet42erniet43erniet44erniet45erniet46erniet47erniet48erniet49erniet50erniet51erniet52ernie53erniet54erniet55erniet56erniet58erniet59erniet60|
|
| Pampanga |
| ||||||
| DENG BALEN A KAPAMPANGAN tune: a totoy bato's polosa lyrics by Ernie C. Turla Maluat ta nong buring / myuman apasialan Deng anggang sacup ning / labuad Capampangan Ania ngeni-ngeni / ing quecatang gawan Manarquila tang van / libutan tala ngan. Magumpisa tamu / qng balen ning Sasmuan Carin qng paroba, / busal ning cailugan Carin la macucua / reng dacal a asan Picabaluan yaiti / careng cayang plasdan. Dalaquit tang aduang / ilug qng albugan Ing balen ning Lubao / ya'ing quecatang dasnan Quen ne mang atbu'iti / at palayan dacal Carin ya misapuac / Dadong Macapagal. Magpasulung tamu / banda paralaya Ing dasnan tang balen / ing masayang Guagua Carin ya tubu ing / prumerung cardinal Y Rufino Santos / obispung marangal. Artistang Rogelio / idolo ring malda At Gloria Arroyo - anac no ning Baba; Yuzon, Tolentino - poetang balita At Senador Puyat - tubu la ngan Wawa. Calagpas ta Betis / miras ta Bacolor Balen de reng watas / a matas a balor Crisostomo Soto / at Felix Galura Ila ring taniag nang / poetang macudta. Ing Baculud ya ing / Athens ning Pampanga Ing minunang diling / "trade school" carin ya Meguing capital ne / ning quecatang bansa Iniang simsam de reng / British ing Menila. Ing tutuquing balen / ya ing San Fernando Ya ing capital na / ning probincia tamu Meguing capital nia / namang Aguinaldu Caibat ning Malolos - bigsac ding 'Mercanu. Ciudad San Fernando / sicat ya neng Pascu Uling deng parul nang / pasigla queng yatu At cabalitan ya / naman neng Maleldo Careng papapacung / maquiapus cang Cristo Balian ne ning martir / Jose Abad Santus Lugud na queng bansa / daya na minagus Balian ne ning central - ya ing Pasudeco Gagawang asucal / neng aldo cacabio. Magbanda tang wanan / banda qng aslagan Balen Santo Tomas / quecatang labasnan Dasnan yang Apalit / carin ya'ing Sulipan Ya ing cucina ning / lutung Kapampangan. Magpabalag tamu / banda qng mauli Miras ta Masantol / at qng Macabebe Pugad do reng dacal / diling beteranu Na ning America - detang pensionadu. Lahi lang matapang / matun queng labanan Ilang pengara ra / di Raha Soliman At careng Castila / macanian mu naman Pequiguera rala / isla cabilugan. Magbalic ta ngeni / quing norti papunta Minalin, San Simon / San Luis at SanTana Baluarti nang Taruc / at Heneral Hizon Tanyag lang bayani / da ring rebolucion. Balen nang Sinucuan / yapin ing Arayat Calele ning bunduc / taniag queng alamat Catalindiquingan / ya pin ing Candaba Balian nang Gallardo / sicat a poeta. Sake tang cabayu / lundag tang marayu Dane ning Zambales / Bunduc Pinatubu Baryu Sta. Cruz / lunsut ta Florida E la micanlaut / balen Sta. Rita. Carin ya ing Basa / papunta qng Porac Sumulung tang maluat / at miras ta qng Clark Air Base ne canita / bansang America Dapot ngeni naman / "economic zone" ya. Sulapo tang norte / ing Tarlac yang dasnan Peca-pangulu ning / labuad Kapampangan Carin ya ing taniag / Hacienda Luisita Anti murin ing park / nang Maria Cristina. Magpabalag tamung / patililis canu Miras ta Concepcion / balen nang Aquino Lumipat tang ilug / miras ta Magalang Sale ring poeta / ning Amanung Sisuan. Mabandang albugan / dasnan taya'ing Capas Carin ya'ing O'Donnel / angganan ning "Death March" Calagpas ta Bamban / paroba papunta Dau, Mabalacat / pasbul ning Pampanga. At ing Angeles yang / layun tamung dasnan Ciudad a maragul / centru ning cabiasnan Sandalan ding pantas / pugad ning casayan, Taguimpan ne ngeni / ning balen tang tibuan! Ngeni tuquian taya / ing North Diversion Road Caras ta qng S.M. / magcaili tang agad Miras ta Mexico / balen nang macamal Ning quecata ngeni / a dalo pandangal Rafael Maniago / pintor at poeta Babie mi quecayu'ing / quequeng panalala Sasaludu que pu / queng quecong arapan Neng metung cong batwin / ning balen tang tibuan Casuertian ta naman / atyu y Mang Paing Lusuc queng tenacan / quecatang pagmayring Maldang maquiramdam / ana ticdo ta ngan: Pasaganan tayang / matning palacpacan! |
 Sign Guestbook |
 View Guestbook |
 eiturla@aol.com |
|
. |
| Visitors: 00154 |