 |
 |
 |
 |
 |
 |
 |
 |
 |
 |
 |
|
gloria
academy
international
wataslanguages
chapter2chapter3chapter4chapter5chapter6chapter7chapter8chapter9chapter10chapter11chapter12chapter13chapter14chapter15epilogueanecdoteversionarenas|
|
| ANAC CU |
 |
| a short zarzuela by Anac Ning Arenas |
| ||||||
| "ANAC CU" nang Anac Ning Arenas (TAGPU: abac, ibat meugtu aldo ning sabadu balus yang minuli'ng cayanacang-tau disan nong painawa di Ibpa at Indu alinggagapan yang cabud mengamanu) ANAC: Ibpa, Indu, Indu, bisa cu pung tuqui carin pu marangle, cari Coyang Sepi eque pu maglambat, agad caming muli careta pung lawas, kawe mu saguli INDU: Nano, aru!, ay, ay, tuknang na ca Anac nanu ta yang kawe-kawe careng lawas calati mu pamu, bagya ka pa mitas melumud ca pa sa, yang quecang asopas Mayap pa queta ca, matulsak painawa caibat-ibat mengan pa luluyun na ca patugutan mu cu, pota mituran ca nanu ta yang aisip mung kawe wa-la ANAC: Indu, ali cu pu, ecu pu malumud eya pu malalam, angga ya mu qng tud dacal cu pu abe caring cacalugud eda pu paburyang malumud cu cabud IBPA: ot eme pabustan tuqui yang anac mu bayang misasane queng lakad ning yatu mecad nung dagul ya, potang magbaintau dagul yang e lampa, matibe barasu ANAC: sige na pu Indu, ustu ya pu i Tatang madalas na pin pu dacung cacantiawan palagi na mu pu yu cung e patuquian inya pu bala namu dacung tutuksuan INDU: ay, mayap na mu pin ing tutuksuan daca payapa na cu mang ing bie mu ligtas ca quesa mo queng o nung pepaburyan daca abalik pa wari, o nung mebungu ca ? IBPA: Hoy, pabusten mu ne. Anac, sulung sige eca magpalumud, samasan mung kawe nung mamialung cayu, eco mipapate caibat yung mendilu, darechu ca bale Hoy, emu ne camuan, magbaintau ne yan ica pin sa ngamu, "asneng kapijican" o macananu pin pane myang babantyan pota ede'aburi deng cayang pagloloan INDU: ay, icayung bala, masyas cayu buntuc sige, sige, layas, ba na cang patugut e ca sa matulsac ba cang e magutut buri mu pa'ng kawe-kawe, libut-libut ANAC: yan, salamat Ibpa, salamat pu Indu ecu pu maglambat, saguli cu mu pu caibat pung kinawe, saca cu mandilu muli cu pung agad, eco micacunu (TELON: kinaul neng Anac i Indu na't Ibpa bayu ya pirapal migdalang pambasa caibat sinulpit ne milaing malagua caring calaguyong cawe caring sapa linakad lang oras, miras gatpanapun malapit ng silim, kiket na'ng dalundum ala yu pa y Anac, nu la mipaluyun, ene man siguru melaus mamialung) INDU: Hoy, aba bengi na, obat ala yu pa ? nuya ing Anac mu caya mipapunta ? calaut na yata itang pikawen da ? ot miras lang bengi queng pamanuli da ? IBPA: wapin, obat caya ? nandin ya pa dapat nung kinawe la mu, e makanyan caluat! mapasa lon co deng abe ng linakad mecad atiu na lu't mupin kupad-kupad (TELON: y Ibpa ng Anac dale neng tinipa pigugunam-gunam nung nu ya'ng Anac na nung kinawe ya mu, obat melambat ya atin cayang sangcan o milyari queya?) Act II (TAGPU: lalacad ya ing ibpa, patuntun qng dalan ing mebenging anac, layun neng pantunan bistat mumukilkil cabang manlacaran ing palsintang anac nung nanung kerasnan) IBPA: ninanu ya caya dugu ing anac cu ? obat mebengi la, nukarin antalu ? mayapa, puntan que i Sepi nung atiu, ya pilmi ng balu ing mipacananu dios cu ala naman sa'ng maroc milyari queng canacung bungsung pacamalan dili nung ali sisian queng tactac ing sarili ot pepaburian queng kinawe pa ngeni (TELON: samantala, y Sepi, quetang pibale na nandin pang masala, quetang dinatang la babantyan neing anac, a'inyang inuli da eda aimasmas, bista't mangisnawa) SEPI: malagwa, ausan ye, bilis, y Apung Palu ninanu ya y Anac, ya pilmi ng balu O Guino, nanu pu ing milyari rugu ? mecad yacung sisian ng Tatang cung Binu MIRUN: aro, e malyari, atyu pa ing aldo emu wari balu qng ngeni Sabado ? cabang atiu ya pa ing aldo makalto careng Sabadista, ela dapat galo at y Apung Palu, wa Sabadista ya neng aldo Sabaru carin ya sasamba potang medyu bagya carin taya ausan calagpus ning aldo carin qng albugan ot nanung milyari ? obat mipacanyan ? ninanu co wari queng datang yung ayan SEPI: tabalu pu Bapa, cagugulgulan cu kakawe kami mu deni pung wali cu ngana nining Beuk, tinuru ya canu quetang lele pungsu 'ting malating tau caibat na pu nita, cabud nya kinera at ngana pu canu, "ay, matudtud cu pa" nan que mang gisingan, yugyugan, e bisa 'gyang bagya mung galo, e quimut bitasa e wari, ne Beuk? BEUK: wapin pu, nandin pu, ketang lele lawas ating tumbo gabun quetang lalam biyabas e wari, ne Torio? TORIO: opu, Tang, tutu pu ngana pa pung Anac, "ay, o, Taung Pungsu" agnan queng linawe, kasabe neng tiru BEUK: caibat na pu nita, oita metudtud ne! emi ne man iquit ing cayang palawe (TELON: queta namang bale, ing Indu ng Anac, queng pamaglutu na, ting cayabe palpak queng pamiganaca oyta neng atabak gili neing taliri, dinayang matactac) INDU: ngacu na pin casi, nanung kawe-kawe ini namang tata, ot panusignan ne arus, paning alte oini pa ing sopas oini gili cu ne'ng gamat cung e oras (TELON: malapit ne y Ibpa queng bale ng Sepi cabang lalacad ya pane ing pangadi e queliwan bina qng gaindung menyisi paintunan neng sising melili saguli kinabug ya salu, ot dacal a tau pindalas nang lakad, patakbang kabayu) MIRUN2: ay, oyan, atiu ne, atiu ne y Tang Binu Cong Sepi ? atiu ne, atiu ne y Tang Binu IBPA: Sepi?.... Sepi? Ot dacal a tau ? Nanu ing milyari ? Antayu i Sepi ? MIRUN3: Tang Bino, oita pu. atiu pu queng quilub, ampo y Apung Palu ( linub ya y Ibpa, angus-angus quilub ) IBPA: Sepi ? Sepi ? nang milyari, Sepi ? Inda, Inda ? nang milyari Inda ? ante ing anac cu, atiu ya ? ( iquit ne ing Anac quetang lande papag sactu yang lulucluc caque't tinalakad iquit ne ning Anac milayi cang Tatang ena camalayan ing queyang querasnan wari ya mu walang anting migdailan caibat neng tewasan Apung Palung pajam ) (TELON: kinuentu ng Sepi nung nanung milyari cambe da ding anac petutu caniti at i Apung Palu, ngana, quetang tawas linto ya ing nunung iquit na qng lawas at, caretang mirun sablang atiu carin nganang Apung Palu, "yang oras pangiling, pamagdapat mayap e cayabe carin 'gyang aldo sabadung sasamba't painawa nung ating masakit, cailangan ulwan ya 'gyang nanu pang oras, eyu na panaya" at minuli na la ding aduang mitata) ANAC: o Ibpa, o Ibpa, menaquit cung nunu inyang kakawe cu, atiu quetang punsu IBPA: a, kasi makanyan? e ca mitakutan? ANAC: ali cu pu Ibpa pero biglang-bigla cabud nya melawa IBPA: a, wapin pero queng tutuqui ing lalung masanting emu la tuturu gyang aquit mu la pin ANAC: baquit pu, Ibpa IBPA: eda buri ANAC: opu. maranup na cu pu, Ibpa Ibpa: wapin. mangan ta na. manaya ne y Indu. (TELON: acaquit ng Ibpa, pangaras na bale dacal a esplica, dacal tse-buretse dapot alang bali, e mas importante ? minuli ne't ligtas, anac ng miwale THE END) Pugue ne pu ning maluca yung lingcud, Anac Ning Arenas. |
 Sign Guestbook |
 View Guestbook |
| It's a collector's item and a fine conversation piece! |
 ernieturla@yahoo.com |
|
. |
| Visitors: 00018 |