 |
 |
 |
 |
 |
 |
 |
 |
 |
 |
|
Philippines
folksongs7folksongs8folksongs9folksongs10songs11Philippinesfolksongs2folksongs3folksongs4folksongs5folksongs6|
|
| FOREIGN SONGS SUNG IN KAPAMPANGAN |
 |
| Compiled by Ernie C. Turla |
| ||||||
| Table Of Contents: 1. Atlung Poeta Loreado 2. E Ya Dutung Ing Pusu Cu 3. Ica Ing Sala 4. Ing Alang Sinta 5. O Sinta, Mau Cu 6. E M'Cu Balu ATLUNG POETA LOREADO (dedicated to the 3 poets crowned Poets Laureate at Holy Angel University on May 17, 2008, viz.: Rafael D. Maniago, Renato B. Alzadon and Ernesto C. Turla) (Tune: Tatlong Baraha - Fred Panopio) by Gus Balatbat Refrain: Atlung poetang matenakan Batwin no ning kalinangan Pluma ra - espadang kikinang Pagdependi re ing Kapampangan 1. Atlu la pung Poeta Loryadu Deng kinoronan na ning H.A.U. Ketang labi yang pitu ing Mayu Petsa ning adwang libu at walu Renato, Rafael at Ernesto Kayarle ding Atlung Musketero Watas lang pambihira keng galing Ditak la kapara nung mang atin Repeat refrain 2. Y Don Ernie a poetang mestru Gewa ne'ing kekatang diksyunaryu Atyu ya keng tronu ning ANASI A mamingwa keng mal tang lenggwahi Y Don Raf, pwera keng poeta ya Keng pinsil e tawli kang Juan Luna Anting pintor ya ing memintura Kareng gobernador ning Pampanga Repeat refrain 3. Y Don Reny malapad ya linya Virtuosu ya keng prosa't poesya Susulat ya naman pung polosa Kang Gallardo iti mengari ya Rafael, Ernesto or Renato Ning Capas at Lubao at Mexico Wari't P.H.D. la keng birtud da Pagmayring nong ustu ning cultura Repeat refrain 4. Karas keng eskrima kareng rima Daygan deng masolu'y Casanova Keng arnisan kareng Tagalista Mayasintang deti ilang bida Agyang mang atyu nong al'wang bansa Gugusal la reting alang patna Para asagip de'ing salita ra Keng dapung lulusub keng pugad da Repeat refrain 5. Ilang gagambul keng salita Bangkanita iti e mawala Susulat poesyang mipmung diwa Gagale anting tune makudta Ing suyu ra reti keng Amanu Atyu nang makatatak keng batu Bayani no ning balen tang tibwan Papaytas de uri'ing Kapampangan Repeat refrain 6. Ing lugud da keng Amanung Siswan Deting atlung lusuk keng kabyasnan Matas pa keng bunduk ning Alaya Neng maka-balen ing panamdam da Deting atlung miyabe-abe Akakit kong malug keng tagumpe Uling deng maldang cabalen da Sawpan dong sagip keng salita ra Repeat refrain E YA DUTUNG ING PUSU CU (tune: Wooden Heart - Elvis Presley) by Ernie C. Turla E mu wari balu qng caluguran daca E cu estatua, e ya dutung mu'ing pusu cu At nung lacuan mucu, balu cu manangis cu Magcang mate cu, neng e dutung mu’ing pusu cu Refrain: Atin cung lugud at panamdam Sintang alang cayangganan Ania mag-maganaca ca sana canacu 'Tin cung panamdam, e ya dutung mu'ing pusu cu ICA ING SALA (Tune: You Are My Sunshine - Gene Autry) by Ernie C. Turla 'Niang misan bengi / a matudtud cu Apaninap cung / licuan mucu 'Niang migising cung / caras ning abac Dacal ing lua cung mipatac Ica ing sala / na nining bie cu Apasaya me ing pusu cu Nung balu mu mu'ing / lugud cu queca E na ca maco siping cu Luguran daca at paligayan Sana luguran mucu naman 'Nia patia linugud cang aliwa Sumisi ca cabang-caba Repeat second stanza ING ALANG SINTA (tune: Man Without Love - Engelbert Humperdinck) by Ernie C. Turla Atatandanan cu, micaburi cami Pero bala cu sa, cabang-caba na'iti Queng lalam ning bulan, saslag a masala Mipagcuentu cami at mipagromansa 'Niang cabira-bira, ot menaliwa ya Iquit cu queng cayang...uma-a-a.. Refrain: Indat migising cu, sasaquit ya'ing lub cu Caluncut ning alang sinta Aguiang nucarin cu, quiquiac ya'ing pusu cu Maluncut ing alang sinta (2X) Mabayat masiadu iting digpa cacu Tutu cung queluncut ing cayang paglaco Sabian, nung aquit me, magbalic ne sana Ba na cung e quiquiac, aldoldo... Repeat refrain (3X) O SINTA, MAU CU (Tune: Unchained Melody - Al Hibbler) by Ernie C. Turla Refrain: O sinta, mau cu Queng caul mu't timpla Malambat na rin Ing oras, lalabas At buri cung cutang "Cacu ca pa....?" Cailangan cu, ing lugud mu O Dios, sopan yu cu Queng dagat papunta ngan ing agus da Reng anggang ilug at sapa Gugulait da, "Panenayan mucu" Queng candungan mu, muli cu Repeat refrain E M'CU BALU (Tune: You Don't Know Me - Jerry Vale) by Ernie C. Turla Babie me'ing gamat mu "Comusta ca," nga mo E cu macabulad Cacarug cu salu At queng isip mu mo Balu mucu pero E m'cu man balu Ay, ali me balu Ing malsinta queca Ing maninap queca Bisang muma queca Nung caluguran mu'ing Balu mu canacu E m'cu pa balu Refrain: Neng e cu biasa queng arti ning sinta E cu man apasiag queca Maina cu lub at malamarine Ing panaun mesayang mu Babie me'ing gamat mu "Bye bye," nga mu cacu Batyon-batyon daca Ico ning nobyu mu Ing lugud cu queca E mu'icuang abalu Ot e m'cu balu? MEPUPUS NE'ING YATU Tune: End Of The World Lyrics: Ernie Turla Ot ing aldo saslag ya pa Ot asul ya pa'ing banua E wari, mepupus ne'ing yatu Neng e mu na cu sicasu Ot deng ayup magcanta la Ot deng batwin maslag la E wari mepupus ne'ing yatu Aniang mitda ing lugud mu Refrain: Migising cu at mipapamulala Ya pa murin pala ing sadia E cu aintindian, wa, e cu aintindian Ot ing bie caya macanian Ot ing pusu titibuc ya Cabang mamagus ing lua (Cambe ning lua ring mata) E wari, mepupus ne'ing yatu Iniang biglang licuan mucu. (Iniang mig-baybay ca cacu) http://www.youtube.com/watch?v=-HtQ1uw9TpM |
 Sign Guestbook |
 View Guestbook |
| It is entitled KAPAMPANGAN SONGS | and Poetry | by Ernie Turla |
 ernieturla@yahoo.com |
||
|
. |
| Visitors: 00331 |