 |
 |
 |
 |
 |
 |
 |
 |
 |
 |
|
Philippines
folksong7folksongs8folksongs9Philippinesfolksongs2folksongs3folksongs4folksongs5folksongs6|
|
| Kapampangan Folk Songs (Gozos) |
| compiled by Ernesto C. Turla, pres., Academia Ning Amanung Sisuan Int''l. |
| ||||||
| Bapu O Suguing Malugud Bapu o suguing malugud Iqueng mengangas dinurup Qng caniamanan yu tudtud Dinan na cong bengi ning Dios Nung macaguising na cayu Cania ning pangatudtud yu Ya namang quequeng igosu Lasa nang Jesus a Guinu Canitang manalangin ya Quetang Getsemaning mula Jesus a caduang persona Daya’t danum pemawas na Minunang quimtan nang lasa Ning mal a caduang persona Decapan de ring maranga Guinapus at bitbat de ya Tanicala lang mangasias Gapus ding bitis na’t gamat Qng lansangan de linacad Detang Judiong lilu’t muslac Saca re piyayatdanan Caring Ukum at Cayarian Yayaduan ding tampalasan Paten de y Cristong nuan Carin de penuru-nuru Arap ding Aring mayubu Ngara atulan deng tutu Ing Guinu tang Jesucristo Liwas liwas lang cucumpas Soldadong caya dinacap Yayaduan dang matalastas Paten de y Cristong pantas Libasan de’t deyu baru Memilit qng daya nang mitmu Penampaling e bibiru Sugat na mibayung tutu Mecatatlu ya misacab Qng pusan nang sari bayat Y Cristo lupa na mitdas Sanung pusung e mangablad Mete ya babo na ning crus Carin qng Calbariong bunduc Atlu lang pacung matilus Qng catawan na minigut O capatad ming Cristiano Malugud qng Guinu tamu Yayaduan mi’ing quecong limus Qng misa mi la ibaldug Wacas na ning quequeng gale A malungcut ming selese Pangadian mi yang Ibpa Mi Re que metem num Domini (alternate) Wacas napu ning dalung mi Quecayu panigapu mi Pangadian mi yang Ibpa Mi Re que metem num Domini Pasalamat Pasalamat que pung lubus Carening binie yung limus Ablasan na sa ning Dios Quetang tulang e mapupus Marimla man at mayambun Magpalimus queng luluyun E na que binang maratun Lumipat que bale metung O apu ming maquibale Ngeni pu mamun na cami Dios malacuan ya queti Mantabe neman quecami Jesus A Nuan Maglacad ya’y Jesus a nuan Libutad ning caparangan Atin ya ping abatiawan Metung yang bale atinan Pangaras na quetang eran Minie yang tungcul a galang Bengi ning Dios pu quecongan Quetongan quecong limusan Ing atinan tinando ya Pegumasdan ne ing matua Aniang iquit nong sugat na Agad agad meniara ya Guinung Jesus iquit na ita Ing depatan ning macualta Inagad na ping meco ya Qng cabunducan ya minta Cabang maglacad ya’ing matua Atin cubung abatio na Agad nang linapit queta Bale ning taung maluca Pangaras na tulid awang Minie yang tungcul a galang Bengi ning Dios pu quecongan Quetongan quecong limusan Ing maluca tinando ya Pegumasdan ne ing matua Aniang aquit nong sugat na Agad ping peluban na ya Ing maluca menese ya At qng matua inapag na Apo damutan yu sana Ining dit cung yampang queca Panga ganingaldo queta Ing maluca miguising ya Iquit nong dacal a cualta Qng piqueran na ning matua Maliswasan tinicdo ya At qng matua tegal na la Apo ding bacal mung cualta Qng pagqueran melacuan la Guinung Jesus pequibat na Deti pigcalub co queca Iquit ning Dios qng banua Lugud qng quecang capara Ding aldo qng quecaban da Ing atinan melubas ya Queganaganang atin ya Ditac ditac mewala na Wacas napu ning dalung mi Quecayu panigapu mi Pangadian mi yang Ibpa Mi Carela ya patungcul mi …Ibpa mi ati Ca banua…. Santa Rita Bapu o Guinung malugud Cacasi ning Guinung Dios Icang mantabe’t sumaup Cang Santa Ritang malugud Aniang ustung miganap na Edad labing walung banua Ing sacramento tinggap na Mana cang Adan at Eba Ania pung miyabe na la Nitang suguing asawa na Ing pasaquit at bagsic na Yang quimtan na nang Rita Sigmit ne’ing aldabang awing Canita na ne parusan Paluan ne nu neman turan Asawa nang tutung banal Nung tumun ya malpa naman Carin ing lasa nang dacal Lalu nung mamusal-musal Tumbuc, sipa cayang camtan Aniang aquit nang ibpa na Baquet Rita ninanu ca? Menuling ya’ing quecang mata Miglate ya’ing quecang lupa Nganang mequibat ning Rita Ibpa cu pu mulingid ca Pupulai cung titipa Qng pasbul pu misapung ya Pinatalan ne’ing asawa na Ngana “o casi cu’t sinta Indu cu canu mete ya Ban reng aquit dening mata” Ing pequibat nang Felicio “Neng mong mete ya’y indu mu? Ali ca! E ca mamaco! Ban e ca mapas qng yatu!” Aniang mag-alas cuatru na Ilibing da ne’y indu na Linabas de qng tulid da Quetang pibalebale ra Pengabat no ngan ding awang Ning asawa nang sucaban E ne buring pasilipan Qng indu nang penibatan Gozos For All Souls Week contributed by Marciano M. Franco Ibpa cu pu at indu cu Licuan yu cung solu-solu Ninu pang saingsingan cu Canining casaquitan cu? Rita qng delanan nang bie Mig-santa ya banding tauli Pangadian mi yang “Ibpa Mi” Caya ya pu patungcul mi For other basultos and polosas, go to http://maxpages.com/Kapampangan/folksongs9 |
 Sign Guestbook |
 View Guestbook |
| It is entitled KAPAMPANGAN SONGS | and Poetry | by Ernie Turla |
 ernieturla@yahoo.com |
||
|
. |
| Visitors: 00336 |