 |
 |
 |
 |
 |
 |
 |
 |
 |
 |
|
Philippines
folksongs7folksongs8folksongs9folksongs10songs11Philippinesfolksongs2folksongs3folksongs4folksongs5folksongs6|
|
| KAPAMPANGAN BASULTOS AND POLOSAS |
| ||||||
| Note: You may sing these basultos / polosas to the tune of any of our most popular basultos such as Atin Cu Pung Singsing, Leron Leron Sinta, Paruparung Bukid, Anyang Malati Ku. CONTENTS: 1. Ing Cacung Bangungut 2. Komusta'ing Hearing Mu? 3. Ing Macho At Ing Sexy 4. Ding "Rings" Nang Eba Ing Cacung Bangungut Basultu neng rba Misan,Y Sheriff Death cacu dinatang ya Divine Summon ne man ing cayang darala 'nang acarapat cu? Tinuki cu caya para munta carin king Supreme Court banua. Cabang ken keng biga sinabi na cacu magsadya cung defense, judgement day ke canu; ating Prosecutors, ilang munie review king maroc at mayap cung guewa king yatu. Pangaras mi carin manaya ne ing Judge pacalucluc no ding Jury nang alagad; atin Prosecutors a pacatalacad cabud milucluc cu migmula nong agad. Dening Prosecutors balu rang pengalcal ing anggang mali cung atmu na caracal, aduan dang parusa, caibat na ning trial, yatsa da cu canu king larung bubucal. Cabud mica chance cung ticdo magdepensa ing tambing cung kitang, nanung evidence da ngacu nung ala lang witness at prueba alang macasabing guewa cung talaga. Canian dane ilual itang Television melino yang screen caibat nang mi-turn on, at ing macasulat peca introduction life of a sinful man, Renato Alzadon. Muna rang pepakit iniang malati cu canian, ala ya pang carug ing salu cu, mayap cung penganac ngacu mo keng lub cu alang guewang maroc keng para cung tau. Iniang lunto na cung mamamaintau na ing canacung salu carug-carug na ya, ya nang aisip cung pilming palto ra na ing calicutan cu careng dumalaga. Iniang adult na cung miganap na balu mesican ne cabag ing canacung salu yang cacarugan cung canian na mabalu a pemanyapat cung ala keng patulu. Palto ra na canian, ngacung makitacut ding guewa cung maling pisalasalicut, e la ata tucnang king pamangalutcut anggang e ngan lunto ing depat cung bucut. Cabang cacarug cung yanang mipalague ing anggang dapat cung kealan marine, canita cu dimdam king atin linele king talindiking cu ban munie alale. Asabi cu caya, abe co, I'm sorry king e tampang dapat ning cacung sarili anti cung acakit kening trial aini guilty yang mamaltuc ing verdict ning Jury. Manaya ca abe, ngana ning siping cu alben te keng TV nung nanu ing bie mu, menalbe cami pin, o'bat agyang nanu ala lang pepalto king maling depat cu? Miras ya ing ending, ot e ro pepakit ding dapat cung lisya at pamamirait, ngana ning siping cu, ala lang ipakit king mali cu canu ya ing mengi-delete. Canian cu migising king cacung bangungut cacabag pa salu king carug at tacut, mengapabangun cu at mecapangurus at ngacung sinabi, thank you, thank you, Jesus...! KUMUSTA'NG HEARING MU? neng Romeo S. Rodriguez Anak ya pa'y Desu sobra ne kalokwan, anya daka'la ring kaya 'ting sasabyan, ngara, " ding pengari dapat nang pagsadyan, pampyansang salapi ban ena probleman". Kalupa ding ula keyang kakilala, dinagul ya'y Desu makikibarkada, itang anggang bisyu ati na ngan kaya, anya ding pengari lubus mamroblema. Misan, mipasubu metung a inuman, nung nu meimbita keta nang kasalan, uling ing lalaki tune kaluguran, e apakarine, sadya neng pigbigyan. Kapitangan bengi, inyang muli naya, kaybat kinawani karetang barkada, king terminal ning jeep, kabang manenaya, 'ting linapit kaya a mengorsunada. Pablasang sane ya king pamipugpugan, linaban ya'y Desu, ene inurungan, mapilang penandit, bagsak ya'ng kalaban, at ing bida naman, balugbug mituran. Karas na ning bukas 'ti mangaklak ya pa, atina'ng manintun adwang pulis kaya, agad neng inaus ning Indu nang matua, king pamagnerbyus na alus mabunsul ya. Abalu na itang kayang aka kontra, metung ya karetang kilalang pamilya, anya miyapag yang metung a demanda, kaybat nang mig ulat karin king pulisya. Milyaring problema, e balu'ng gawan, lalu't alang kualta a ngeni tatalnan, metung pang balugbug milako panamdam, anya manintun yang makasaup kanyan. Ati'nang sinabi magsimba kang Apu, baka kalunusa'ning Mamacalulu, I Padre Markadu, ngani'ng mengamanu, king healing power na milibri ya'y Desu. Sibuka'nang Desu ing payu da kaya, kilub ning pisamban, mengadi't sinimba, kulang na mu kaya ing pamag novena, ban maging debotu daring Santu't Santa. Anggang munta ya pa kang Padre Marcadu, ban healing power na yang subukan kanu, kitna'ne ning Pari, "Nanung problema mu." "Ing pung kakung hearing", ing sagut nang Desu. Kaybat ning "pray over" 'ting bulung pa kanu, kayabe ing imas, balugbug nang Desu, "Kumusta'ng hearing mu?", pari mengamanu, pakibat nang Desu, "Keng August fifteen pu." ING MACHO AT ING SEXY neng Romeo S. Rodriguez I Asiong metung yang awsan dang bohemyu, pangaras kareng tsiks, magaling ya kanu, eya makalakad nung e makaternu, manibat sapatus, imalan at panyu. Nung lumakad ya'yti darala"nang kotsi, Itang Mercedes Benz paboritu niti, Bukud keng matibe, masanting ya iti, karetang sake'na pekamal yang dili. Misan migpasyal ya banda king Ageles, ban akayarap na kasabi king "business", Pamamaligwa na tutu yang mabilis, ban miras ya karin - eksaktong alas diyes. King ena sasaryan bigla yang migwanan, anyang malapit ne banda king Sindalan, ating metung saken a mabilis datang, ing kotsi nang Asiong king buldit mituran. King milyaring iti masalese yakit, ing kotsi ning metung ya ing mekasabit, anya mabilis yang kinuldas, menaplit, ba'nang asaglawe ing sablang mesambit. Dapot kakuldas na 'tine king arapan, ing babaing sexy a tiktak king leguan, buri nemang Asiong ing babae swatan, ena pin agawa, malino ing sangkan. At iting babai ya ing mengamanu, "Pasalamat kata at dapat magbibu, ding kekatang kotsi ilang meperwisyu, alang mepalyaring marok keka't kaku. "ng dapat siguru mag "celebrate" kata, 'tin kung boting brandy makasadya keta, anting pasalamat king pangakabyus ta, mekeni king kotsi at tara tuki ka". Ing panga macho na ya ing menibabo, makabural salung tinuki, dinayo, kayakwa ning alak biklat neng masolo, at kitmua'na ne pin ing kayabe baso. Ngana, "Pitna kata ban maging masaya, pamikilala ta bista man at bigla", Kasabi na nita inabut neng bina, itang Asiong macho manene neng kinwa. At ba nang apakit ing pangalalaki, inalduk na na ngan alang pasintabi, kaybat ibinalik baso king babai, "Oyan ika naman," ngana pang sinabi. Ing babaing seksi king kotsi linapit, at kaybat nang mig text karin ya miglabit, Kanita meili ya a yanting mamusit, "Pangaratang da na, ding tinext kung pulis." "ding rings nang Eba" by Hernand Saban pakirandaman ye ing istoryang singsing, pagumpisan ta ya ketang "engagement ring," mabilug nang pusu ampong pamaglambing bibye ning lalaki ketang keyang darling. bala mu e mamin ing karelang tula neng mitatalanan ding gamat ding adwa anting makasake king metung a biga a sala-salampyad king anging sagiwa. dakal man manakit ampong makarungut, ing pamikalugud e ra sasalikut, king metung a awla mengari lang ayup, mipapaglambis la ampong mipanuktuk. mapilan mung aldo potang maynip na la kanta ro pak'sabyan detang pengari ra mamun lang miyabe anggang alan'angga king tahimik a bye bilang miyasawa. itang "engagement ring" mitukyanan ne pin potang ketang altar ding adwa mabikling, king metung at metung pasulud ing singsing, -singsing na ning kasal awsan dang "wedding ring." kaybat rang miuma ano king katula at kaybat pisamban ume no ring adwa ketang "reception" da tuki ro ring malda ban takman king taju a karelang sidya. kaybat na ning kasal dakal la regalu, ing muna rang buklat, e balu insanu, inya king malagu ngana ning baraku, "oh jo, ing buklat ku ing namung zipper mu." uling meko no ngan ding tinagung malda, mipangindat na la't titiman ding adwa, king malagwang sabi't ditak a salita, tikman dang miyagnan itang pulu't gata. ing kaba ning bengi ane katahimik uling ing amanu pane mu ping sitsit, at nung saynsing la man agwantan dang pilit pota ayabwang do pelalung ding dagis. ing nyaman ning bengi atin pang katuki king kagigiligit kang Eba ning pogi, inya 'sung kilbit ne at e ya tinanggi, mapilan mung bulan magin neng butiti. kan'ta ra ne tikman ing barug a maplas uling e la kasya king pitu mung anak, pablasang ing okra'ng keyang babalasbas istung maslate ya, ing dai lalapad. ita ing entradang liban ning problema uling ding supling da bala mu eran la inya ing "budget" da parating kulang ya uling malati ya' upa king labada: manangis ya'y Eba kabuklat ning abak, kabang mamipi ya, maningat yang anak, e makapaglutu uling alang abyas uling king tindahan e ya pa memayad. ing bala nang Eba a tahimik a bye e pala tahimik nun'e byeng mainge, gagaga ya'yng bunsu uling maranup ne, uling 'la yang gatas o 'gyang mu sa'ng kape. panyatang nang Adan mamalabag ya pa nung ala yang kanan disnan king lamesa, -makananung atin, ala nemang obra, ala nemang dinwang... -'gyang kusing mu sana. kan'ta ing tawling "ring" keya mibye ne pin kaybat ning "engagemant" at "ring" a pang-"wedding," ngeni ing saynsing na matni na't mamaksing uling ing tawling "ring" 'yapin ing "suffe-RING" Ding Misiping Bale Neng RBA Mipate no naman ding misiping bale inia, cari Bayang cabud na migcainge, mikit ing ngulangul ampon tagulele da retang anac nang sinacab king lande. Cabang pakiacan nong Bayang deng anac na ing siping nang bale yang panagcasan na, "Putu nang inda mong maroc a pamilya nung e cu sa balung anac cang Gorilya." "Catac nang inda mung magatal a catac nung cani-caninu na nya pepadaldac, inya sa linto cang lacad pasalampac balamu asung cang mabilug a pandac." "Magmamalagu ca at magmamalinis king catsura mu mu, sapac ca pang galis, camata cang tulang capambuc cang dagis at yang kecang arung bubut yang camatis." Siping bale Kika makibat ne canian cabang ding anac na ta na la pakiacan: "anggang sinabi mu babalic cu ngan yan uling Y inda mu migputu ya naman." "Icang magmalinis at magmamalagu nung e na ca sana lulupa keng tucu, inta sang balamu e na ca mandilu mansad ca catawan a babawung tuyu." "Cabalat cang awac, cabuntuc cang durun busbus ding arung mu bunganga lang canyun, nung em'ya apicut ing tutundung Damun e ca mica-anac a atlung simarun." Abac pang maranun di Bayang at Kika mipag-indredus la ampon mipamusca, potang kelambatan atin nang mapica calulu dang anac, ding mangapaluca. ..! |
 Sign Guestbook |
 View Guestbook |
| It is entitled KAPAMPANGAN SONGS | and Poetry | by Ernie Turla |
 ernieturla@yahoo.com |
||
|
. |
| Visitors: 00374 |